Телһөйәр һәм илһөйәр уҡыусылар һынатманы

Көҙгө каникулдарҙан һуң район үҙәктәрендә шаулап-гөрләп төрлө фәндәрҙән Бөтә Рәсәй олимпиадаһының муниципаль этабы уҙҙы.Күптән түгел Ҡарлыман ауылы төп дөйөм белем биреү мәктәбендә башҡорт теле һәм әҙәбиәте буйынса төбәк-ара олимпиаданың муниципаль этабы үтте. Районыбыҙҙың төрлө мәктәптәренән башҡорт телен туған тел булараҡ өйрәнеүсе (1-се, 2-се һыҙыҡ) һәм дәүләт теле булараҡ өйрәнеүсе (3-сө һыҙыҡ) уҡыусылар ҡатнашты.

Улар өс турҙа һынау тотто: уҡыу программаһына ярашлы викторина һорауҙарына яуап бирҙе, һөйләү телмәрен тикшереү өсөн әңгәмә ҡорҙо, текст буйынса лексик-грамматик биремдәрҙе үтәне.
Баһалама ағзалары эштәргә йомғаҡ яһап, башҡорт теле һәм әҙәбиәте буйынса уҡыусыларҙың белем кимәлен асыҡланы. Олимпиада ҡыҙ һәм егеттәрҙең белемен генә тикшереп ҡалманы, уларҙың туған телгә битараф булмауын билдәләне, телһөйәр, илһөйәр булыуҙарын иҫбатланы.
Ҡышҡы ялдар осоронда Өфө ҡалаһында уҙасаҡ төбәк-ара олимпиадала 9-сы, 10-сы, 11-се кластар араһында еңеүсе һәм призерҙар сығыш яһаясаҡ. Улар:
Олимпиадаға әҙерләгән уҡытыусыларыбыҙҙы һәм еңеүсе балаларҙы ысын күңелдән тәбрикләйбеҙ. Уҡыусыларға уңыштар һәм яңы үрҙәр яулауҙарын теләйбеҙ.
Рәмилә Исхаҡова,
Бишауыл-Уңғар урта мәктәбенең
башҡорт теле һәм әҙәбиәте уҡытыусыһы.