Журналистар конкурсын йомғаҡланылар

 Республика баҫмалары араһында «Ватандаш» журналының баш мөхәррире Рәшиҙә Мәһәҙиева  еңеүсе тип билдәләнде.  2-се урынға  «Башҡортостан» гәзите хәбәрсеһе Рәшит Кәлимуллин лайыҡ булды. 3-сө урын – «Единая Россия – Башкортостан» гәзитенең бүлек мөдире  Лиана Цыгановала.

Ҡала гәзите журналистары араһында «Стерлитамакский рабочий» гәзите хәбәрсеһе Фаяз Йомағужин иң яҡшыһы тип табылды. 2-се урын ошо уҡ гәзиттең фотохәбәрсеһе Сергей Крамскийға бирелде. 3-сө урын өсөн «Путь Октября» гәзитенең хәбәрсеһе Илнур Байгилдинды бүләкләнеләр.

Район баҫмалары араһында ла еңеүселәр билдәләнде. 1-се урында – Баймаҡ мәғлүмәт үҙәгенең директоры Гүзәл Сәлихова, 2-се урында – Дыуан мәғлүмәт үҙәгенең директоры Рәмил Тләпов, 3-сө урында – Ҡырмыҫҡалы мәғлүмәт үҙәгенең директоры Әлфиә Әхмәҙуллина.

Силәбе өлкәһенән «Аргументы и факты» гәзитенең баш мөхәррир урынбаҫары Надежда Уварова махсус призға лайыҡ булды.

Штаттан тыш хәбәрселәр араһында ла иң яҡшы өсәүҙе билдәләнеләр.  Улар – «Республика Башҡортостан» гәзитенән Марс Авдеев (1-се урын), Полиграф музейы директоры Геннадий Шевелев (2-се урын), Стәрлетамаҡ ҡалаһынан журналистика ветераны Тамара Андреева (3-сө урын) Бөйөк Ватан һуғышында ҡатнашыусылар һәм  Ватанды һаҡлаусы геройҙар тураһында иң яҡшы   фотосессия өсөн. "Йәшлек" гәзитенең  фотохәбәрсеһе Юлай Кәримов та дипломға лайыҡ булды.