Башҡортостанда балалар өсөн «комендант сәғәте» оҙайтыла

1 октябрҙән Башҡортостанда балалар өсөн төнгө «комендант сәғәте» ҡышҡы ваҡытҡа күсә һәм ике сәғәткә оҙайтыла. Тимәк, бәлиғ булмағандарға киске сәғәт 10-дан иртәнге 6-ға тиклем атай-әсәйҙәренән башҡа урамда һәм йәмәғәт урындарында йөрөргә ярамай.

Сентябрь аҙағынаса тыйыу төн уртаһынан иртәнге 6-ға тиклем ғәмәлдә ҡала.

Республика Дәүләт Йыйылышында белдереүҙәренсә, «комендант сәғәте» режимын боҙған өсөн 500-2000 һум штраф һалына.

Сикләүҙәр «Башҡортостан Республикаһында бала хоҡуҡтарының төп гарантиялары тураһында» закон менән билдәләнгән, тип асыҡлыҡ индерҙеләр Башҡортостан Дәүләт Йыйылышында.