Ҡышҡылыҡҡа борщ

Ҡышҡылыҡҡа борщ әҙерләү өсөн  1 кг һуған, 1 кг кишер, 2 кг сөгөлдөр, 2 кг помидор, 0,5 кг татлы борос, 1  баш һарымһаҡ, 2 ҡалаҡ томат пастаһы, 250 мл үҫемлек майы, 2 ҡалаҡ төйөлгән ҡара борос, 3 лавр япрағы, 5 ҡалаҡ шәкәр, 70 мл аш һеркәһе кәрәк.

 Һуған менән кишерҙе үҫемлек майында ҡыҙҙырғас, уға  туралған  татлы борос ,помидор, ҡырылған  сөгөлдөрҙө , томат пастаһын һалып, ярты сәғәт бешерергә.  Бешеп сығыр алдынан ваҡ итеп туралған һарымһаҡ, лавр япрағы, борос, шәкәр, аш һеркәһе һалырға. 5 минут ҡайнағас, ҡатнашманы  стерилләнгән банкаларға һалып, тимер ҡапҡас менән ябырға.

0,7 литрлы ун банка борщ сыға.

Фото: ru.pinterest.com