Мөһим ағзаһын өҙгән

Санитар авиация Өфөгә аттан йығылып төшкән 14 йәшлек үҫмерҙе алып килә. Был хаҡта социаль селтәрҙә Башҡортостандың һаулыҡ һаҡлау министры Айрат Рәхмәтуллин хәбәр итте.

Малайҙың ата-әсәһе уны Ишембай дауаханаһының ҡабул итеү бүлегенә алып килә, унда тикшереү үткәрелгәндән һуң етди йәрәхәт билдәләре асыҡлана – бөйөрҙөң ярылыуы. Табиптар ашығыс рәүештә Республика балалар клиник дауаханаһы менән бәйләнешкә инә һәм балалар уролог-реаниматологы менән телемедицина консультациялары үткәрә. Һөҙөмтәлә пациентты махсус медицина ярҙамы алыу өсөн санавиация ярҙамында РДКБ-ға алып барыу тураһында ҡарар ҡабул ителә.