Төхвәтуллиндарҙың ҡабаҡтары 250 килограмға еткән

Өфөнөң Дим районынан Илһөйәр һәм Таһир Төхвәтуллиндар Шишмә районында урынлашҡан участкаһында иҫ китерлек ҡабаҡтар үҫкән.

— Үҙебеҙ Дим биҫтәһендә йәшәйбеҙ һәм ял һайын Шишмә районындағы атай-әсәй йортона ҡайтабыҙ, унда баҡсабыҙ бар. Быйыл ҡабаҡ уңған: ике 50 килограмлыҡ һәм өс 48 килограмлыҡ ҡабаҡ үҫтереп алдыҡ. Уңыш тулыһынса йыйылып бөтмәгән әле, — ти Төхвәтуллиндар.