+24 °С
Ямғыр
Башҡа яңылыҡтар
5 Сентябрь 2025, 16:53
Сәтләүек менән кишерҙән печенье
Сәйҙәрегеҙ тәмле булһын
Сәтләүек менән кишерҙән печенье
Кәрәк: 270 грамм он, 260 грамм кишер, 150 грамм шәкәр, 100 грамм аҡ май, 100 грамм әстерхан (грек) сәтләүеге, бер балғалаҡ ҡамыр ҡабартҡыс, бер семтем тоҙ, ванилин, шәкәр пудраһы.
Кишерҙе ваҡ итеп ҡырырға. Йомшарған майға шәкәр, тоҙ ҡушып, болғарға. Әҙер массаға кишер, ванилин өҫтәп, тағы ла яҡшы итеп болғатырға, он менән ҡамыр ҡабартҡыс ҡушырға. Әстерхан сәтләүеген блендерҙа йә булмаһа бысаҡ ярҙамында ваҡларға һәм массаға ҡушырға. Бөтәһен бергә ыуалағандан һуң, шарсыҡтарға әүәләп, пергамент ҡағыҙына теҙеп, 180 градус эҫелектәге духовкаға 20 минутҡа бешерергә ҡуйырға. Печеньелар һыуынғас, өҫтөнә шәкәр пудраһы һибергә.
Зинира Сыңғыҙованың рецебы.
Фото: шәхси архивтан.
