Ауырлыҡтан, ауырыуҙан ҡотолоу өсөн уҡығыҙ

Уны нисек уҡырға? Иң беренсе ниәтегеҙҙе әйтегеҙ.

Мәҫәлән, үҙемде һәм яҡындарымды ауырыуҙан, бәлә-ҡазанан һаҡлау  өсөн Түнжинә салауатын уҡырға ниәт иттем.

Түнжинә (мунжиә) салауаты:

"Аллааһүммә салли ғәләә сәййидинә Мүхәммәдин үә ғәләә әәли сәййидинәә Мүхәммәд. Саләәтән түнжиинәә биһәә мин джәмииғиль-әһүәәли үәл-әәфәәт. Вә тәҡды ләнәә биһәә джәмиғәль-хәәжәәти үә түтаһһирунәә биһәә мин джәмииғис-сәййи′әәт. Үә тәрфәғүнәә биһәә әғләд-дәражәәти үә түбәллиғунәә биһәә әҡсаль-ғаайәәти мин джәмииғиль-хайраати фил-хәйәәти үә бәғдәл-мәмәәт."

Мәғәнәһе:

(Аллаһым! Пәйғәмбәребеҙ Мөхәммәд Мостафаға икһеҙ-сикһеҙ салауат һәм сәләм булһын. Аллаһым беҙҙе һәр төрлө бәлә-ҡазаларҙан ҡотҡар, бөтә ихтыяждарыбыҙҙы бөтөрөп, беҙҙе гонаһтарҙан һәм насарлыҡтарҙан таҙарт! Беҙҙе юғары дәрәжә һәм урындарға күтәр! Аллаһым! Был салауаттар һәм был сәләмдәр хөрмәтенә был доньяла ла һәм үлгәндән һуң да уңыштарға ирешәйек.)

Түнжинә салауатын ауырлыҡ, бәлә килгәндә 1000 тапҡыр уҡырға кәрәк. 

Түнжинә салауатының файҙаһы:

1. Был доғаны уҡыған кешегә донъялағы бар афәттәрҙән ҡотолоу, сирҙәргә шифа, ауырлыҡ һәм ҡыйынлыҡтарҙан сығыу юлы табылыр.
2. Донъя һәм ахирәт (мәңгелек тормош) ихтыяждары (хәжәт, мохтажлыҡтары) үтәлер.
3. Быны уҡыған ике донъяла ла, юғары, өҫтөн дәрәжәләргә ирешер.
4. Һәр төрлө яманлыҡтан (яуыз кешеләр һәм ендәрҙең зарарынан, сихырҙан, күҙ тейеүҙән, ауырыуҙан) һаҡланыр.
5. Был доғаны уҡыған кеше бер ниндәй ҙә дошмандан еңелмәҫ, бер йән эйәһенән дә зыян күрмәҫ, һәр саҡ еңеүсе булыр.
6. Уны уҡыған кешенең өҫтөнә бәрәкәт яуыр.

Автор фотоһы.