Өфөлә ҡатын-ҡыҙҙар өсөн бизнес – акселераторының төбәк финалы үтә

5 июндә Өфөлә "Һөҙөмтәле һәм конкурентлыҡҡа һәләтле иҡтисад" милли проекты буйынса уҙғарылған "Бизнес ҡатын-ҡыҙҙары" бизнес-акселераторының төбәк этабы финалы үтә. Был хаҡта Башҡортостан Республикаһының Эшҡыуарлыҡ һәм туризм министрлығы хәбәр итә.

Һуңғы этапта ҡатнашыусылар араһында бер нисә интенсив аҙналыҡ үткәреләсәк, белем менән уртаҡлашыу йомғаҡтары яһаласаҡ. Беренсе этапта PRO кимәлендәге иң яҡшы ун ҡатнашыусы үҙҙәренең бизнес-проекттарын абруйлы жюриға, потенциаль инвесторҙарға, хөкүмәт вәкилдәренә һәм программа партнерҙарына тәҡдим итәсәк.

Сараны «Эшҡыуарлыҡ ҡатын-ҡыҙҙары» Бөтә Рәсәй йәмәғәт ойошмаһы ойоштора.

"Һөҙөмтәле һәм конкурентлыҡҡа һәләтле иҡтисад" (нац.проект «Эффективная и конкурентная экономика») милли проектының маҡсаттары булып иҡтисадты, финанс баҙарын, конкуренцияны үҫтереү, эшҡыуарлыҡҡа ярҙам итеү, хеҙмәт етештереүсәнлеген һәм инвестиция эшмәкәрлеген үҫтереү, шулай уҡ тирә-яҡ мөхиткә кире йоғонтоно кәметеү тора. Иҡтисадтың сәнәғәт тармаҡтары, юғары технологиялар һәм йәштәр бизнесы перспективаларына айырым иғтибар бирелә. Яңыртылған милли проекттар Рәсәй Федерацияһы Президенты Владимир Путин ҡарары буйынса 2025 йылдан тормошҡа ашырыла.