"Башҡорт хужабикә"һе балаһын юғалтҡан

Ул шәхси блогында сабыйын юғалтыуҙы ныҡ ауыр кисергәне хаҡында һөйләне. Фажиғәле осраҡ уның менән бер нисә йыл элек булған.

-Айырылыштым, йоҡлай алманым. Мин эстән яндым. Күңел яраларының һыҙлауын баҫыу өсөн кисен спиртлы эсемлектәр эсеп йоҡларға ята инем. Әммә эсһәң дә 10 процентҡа ғына еңелерәк булып ҡала. Спиртлы эсемлектәр бер аҙ ярҙам итә. Мин ҡайғынан эсеп йөрөгән кешеләрҙе бөтөнләй тикшкрмәйем. Ауыртыуҙы бөтөрөп булмай. Мин был осорҙа бөтөнләй йоҡлай алманым. Беренсе балам 10 көн генә йәшәне, - ти Миләүшә Шәйхисламова.

Уның фекеренсә, ваҡыт үтеү менән генә юғалтыу кисергән кеше яңынан йәшәргә өйрәнә ала. Шул уҡ ваҡытта бер кем дә һәм бер нәмә лә ғазаптарҙы тыя алмай, ти ул.