Артур Иҙелбаев ҡаҙ ҡаҡлай

Артур Иҙелбаев социаль селтәрҙәге сәхифәһендә ҡаҙ ҡаҡлау сере менән уртаҡлашты. 

"Ҡаҙҙар үҙебеҙҙеке, үҙебеҙ үк ҡаҡлайбыҙ. 

Мин бәләкәй саҡта ҡаҙҙарҙы урамда, күләгәле урында ҡаҡлай торғайнылар. Йәки соланда. Махсус биналар булманы. Беҙ ҡаҙ ҡаҡлау өсөн махсус урын эшләнек. Ә ниңә? Бик шәп гастрономия сувениры. 

Әйткәндәй, беҙ ҡаҡлаған бик күп ҡаҙҙар МХО-ға оҙатылды. Алғы һыҙыҡтағы Башҡортостан егеттәренә ҡаҡланған ҡаҙ ебәреү изге традицияға әйләнде", - тип яҙҙы Артур Мирас улы. 

Ә инде видеояҙмала ул ҡаҙҙарҙы махсус эшләнгән бинала марляға төрөп ҡаҡлауҙары тураһында һөйләне. 

Фото: видеонан скриншот.