+24 °С
Ямғыр
Башҡа яңылыҡтар
3 Июнь 2025, 17:34
Өс район халҡына урманға йөрөү тыйылды
Был тыйыу әбйәлилдәргә, бөрйәндәргә һәм баймаҡтарға ҡағыла.
Өс район халҡына урманға йөрөү тыйылды
Был тыйыу әбйәлилдәргә, бөрйәндәргә һәм баймаҡтарға ҡағыла.
Әбйәлил, Бөрйән һәм Баймаҡ райондарында йәшәүселәргә махсус янғынға ҡаршы режим ваҡытында урмандарға йөрөү тыйылды. Бындай бойороҡҡа урман хужалығы министры ҡул ҡуйҙы. Тыйыу ғәмәлдә булған ваҡытта урмандарҙа егерҙәр һәм полицейскийҙар патруль ойошторасаҡ. Янғынға ҡаршы режимды боҙған кешеләр өсөн штраф күләме 40-50 мең һум, ә юридик шәхестәр өсөн – 600 меңдән 1 миллион һумға тиклем тәшкил итә.
Алдан хәбәр итеүебеҙсә, 2025 йылдың 18 апреленән Башҡортостан биләмәһендә янғынға ҡаршы режим ғәмәлдә. Был ваҡытта хатта дача участкаларында ла усаҡ яғыу тыйыла. Кәрәк булғанда властар өҫтәмә саралар индерергә хоҡуҡлы. Йыл башынан Башҡортостанда йәмғеһе 25 гектарҙан ашыу майҙанда 10 урман янғыны һәм 1200 гектарҙан ашыу майҙанда 271 ҡоро үләндең яныуы теркәлгән. Күпселек осраҡта янғындың сәбәбе булып кеше эшмәкәрлеге тора.
Фото: Башинформ-Ксения Калинина
