Нисек ябығырға?

  Кемдер  теләгенә ирешеү өсөн, айҙар буйы яратҡан ризыҡтарынан баш тартып, төрлө диета менән үҙен-үҙе интектерә. Икенселәр иһә күберәк йәйәү йөрөргә, спорт менән шөғөлләнергә тырыша. Ә ундай мөмкинлек булмаһа? Йәки  бер киҫәк торттан йәиһә бәлештән бер нисек тә баш тарта алмайһығыҙ икән?

Түбәндәге кәңәштәрҙе тотоп та, кәүҙәңде бер формаға килтереп була, ти белгестәр.

1. 300 мл ҡаты итеп бешерелгән ысын ҡәһүәгә бер аҙ дәрсен (корица), ванилин һәм  ҡыҙыл борос ҡушып эсегеҙ. Ул метаболизмды күпкә тиҙләтә. Әммә артыҡ күп эсергә ярамай, сәләмәтлегегеҙ хаҡында  онотмағыҙ. 
2. Һәр саҡ ашар алдынан ярты грейпфрут ашарға. Хатта берәй кәнфит ашар алдынан да!  Грейпфрут – иң яҡшы зарарһыҙландырыу һәм майҙы иретеү сараһы.
3. 200 мл ҡайнар һыуға  бер аҙ дәрсен ҡушығыҙ һәм ярты сәғәткә һыуытырға ҡуйығыҙ.  Һуңынан бер аҙ бал ҡушығыҙ. Шуның яртыһын  йоҡлар алдынан эсегеҙ, ә ҡалған яртыһын – иртәнсәк ас ҡарынға.
4. Гел генә ашарҙан 10 – 15 алда 2 стакан һалҡын һыу эсергә. Ул ныҡ ҡына метаболизмды көсәйтә, ашҡа май ҡатламы булып ултырмай, ризыҡты дөрөҫ эшкәртергә ярҙам итә.
5. Һәр ҡапҡан киҫәкте 50 тапҡыр сәйнәгеҙ. Боронғо будда монахтарының “Аҙыҡты эсергә кәрәк, ә эсемлекте ашарға” тигән девизы булған.

Ошо ҡағиҙәләрҙең бер-икәүһен генә тотҡанда ла 0,5 – 1 килограмды еңел генә ташларға мөмкин. Иң мөһиме – артыҡ көс түгергә лә кәрәкмәй.

Фото:асыҡ сығанаҡтарҙан.