Ағас эшенә һөйөү тәрбиәләй

Һуңғы ваҡытта балаларҙың ҡулдарынан гаджет, телефондары төшмәй, хатта уларҙы ял итергә йә иһә уйнатырға ла саҡырып алып булмай. Денис Латиповты ла был мәсьәлә борсомай ҡалмай, ни тиһәң дә янында улы үҫеп килә.

Бер мәл Денис Латипов, улы менән ҡул аҫтындағы материалдарҙан ҡоштар өсөн тағараҡ яһай, ара–тирә улының ағас эшенә ҡарата ҡыҙыҡһыныуын ситтән генә күҙәтә. Шул саҡта уның күңелендә балаларҙың гаджеттарҙан иғтибарын ситкә йүнәлтерлек, яңы оҫталыҡтар үҙләштерә һәм үҙ ҡулдары менән нимәлер эшләй алырлыҡ берәй шөғөл тапмаҫҡа тигән уй барлыҡҡа килә. Малайҙар һәм ҡыҙҙар ижад итеп, иң ҡыйыу проекттарҙы тормошҡа ашыра алырлыҡ киңлек тураһында хыяллана башлай.

Бер аҙ уйланғандан һәм ярашлы форматта эҙләгәндән һуң Нефтекамала «Столяркин» оҫтаханаһын асырға була. Бында 4-14 йәштәрҙәге балалар һәм өлкәндәр ағас менән эшләй, станоктарҙы һәм ҡоралдарҙы үҙләштерә, үҙ проекттарын өҫтөндә шөғөлләнә һәм эш процесынан ҡәнәғәтлек ала. «Столяркин»да ябай ултырғыстарҙан ҡатмарлы кәштәләргә  тиклем эшләргә була.

Денис Латипов ҡала хакимиәтендә уҙған «Эшҡыуарлыҡ сәғәте»ндә үҙенең проекты менән таныштыра. Һуңғараҡ, оҫтахана эшләй башлағас, ул Нефтекамалағы «Минең бизнесым» үҙәге аша бәләкәй эшҡыуарлыҡ өсөн субсидияға ғариза бирә. Ул ҡала хакимиәтенең эшҡыуарлыҡҡа булышлыҡ итеү бүлеге һәм бизнес-шериф Лилиә Петрованың ярҙамы менән конкурс комиссияһы алдында бизнес-планды уңышлы яҡлай һәм финанс ярҙамы алыуға ирешә.

Эшҡыуар дәүләт ярҙамына оҫтахананы яҡшыртырға булышлыҡ итә - яңы токарь станогы, төрлө ағас эшенә кәрәкле ҡорамалдар һатып ала.

Шулай уҡ энергетика өлкәһендә юғары белемле һәм электромонтер булып эшләү тәжрибәһенә эйә булған Денис Латипов «Йәш электрик» курсын башлап ебәрә, унда балалар электр приборҙарын хәүефһеҙ файҙаланыу нигеҙҙәрен өйрәнә. Йәш нефтекамалар электр схемаларын йыйырға, паяльник менән эшләргә һәм яҡтыртҡыстар уйлап табырға өйрәнә. Киләсәктә «Йәш сантехник» курсын асыу планлаштырыла.

Оҫтаханала айырым бер мөхит хөкөм һөрә. Бында балалар яуаплыраҡ, иғтибарлыраҡ була бара. Дәрестәргә йөҙләгән малай һәм ҡыҙ үҙ аллы, шулай уҡ тотош кластар менән килә. Бында Тыуған көндәрен билдәләйҙәр, ғаилә оҫталыҡ дәрестәре үткәрәләр, ә каникулдар ваҡытында балалар көндәрен файҙалы үткәрә ала. Хатта өлкәндәр ҙә, мәҫәлән, ҡул эштәре әҙерләү буйынса һөнәри байрамдарын билдәләгәндә, үҙҙәре өсөн ҡыҙыҡлы шөғөлдәр таба.

«Бәләкәй һәм урта эшҡыуарлыҡ» (национальный проект “Малое и среднее предпринимательство”) милли проектының маҡсаты - бизнесты үҫтереүҙең бөтә этаптарында: башланғыс идеянан алып киңәйтеүгә һәм экспортҡа сығыуға тиклем булышлыҡ итеү. Ошо милли проект буйынса эш 2019-2024 йылдарҙа алып барылды.

2025 йылдан Президент Владимир Путиндың ҡарары буйынса Рәсәйҙә яңыртылған милли проекттарҙы тормошҡа ашырыу башланды. Хәҙер «Бәләкәй һәм урта эшҡыуарлыҡ» милли проекты "Һөҙөмтәле һәм конкурентлы иҡтисад" (национальный проект "Эффективная и конкурентная экономика") милли проектына инә.

Фото: Радий Хәбировтың бизнес менән аралашыу төркөмөнән.

Автор:Карима Усманова

Сығанаҡ: Башҡортостан гәзите