Ә участка терапевтары – күп профилле белгестәр. Кешеләр һаулығы буйынса проблемалар килеп сыҡһа, иң тәүҙә уларға мөрәжәғәт итә. Араларында үҙ эштәрен намыҫлы башҡарған, пациенттар һәм хеҙмәттәштәре араһында абруй һәм хөрмәт ҡаҙанған мәҡәләм геройҙары - Ҡырмыҫҡалы үҙәк район дауаханаһы поликлиникаһының участка хеҙмәткәрҙәре - табип-терапевт Әлфиә Сәйетова һәм шәфҡәт туташы Флүрә Хәлиуллина.
Участка табип-терапевы Әлфиә Сәйетованы пациенттар һөнәрен еренә еткереп башҡарған, һәр саҡ яғымлы, ихтирамлы мөғәмәләлә булған белгес булараҡ билдәләйҙәр. Уға ҡабул ителеүгә көтөп ултырған пациенттар менән дә һөйләшеп алдым. “Участка табибынан бик уңдыҡ. Әлфиә Ирек ҡыҙы диагнозды дөрөҫ ҡуя, тәғәйенләгән дауалауы ярҙам итә. Бик иғтибарлы, кеше хәленә инеүсән, тыныс, изге күңелле ул. Унан бер ваҡытта ла ҡаты һүҙ ишетмәҫһең. Дарыуҙарҙан тыш, теле менән дә ярҙам итә кеүек, тынысландыра белә. Башҡа белгестәргә, йә тикшерелеүгә ебәрергә булһа, артабан тиҙ арала йүнәлтә”, - тине Константиновка ауылынан килгән Валентина Рәхмәтуллина.
Ауырғазы районының Ишле ауылында тыуып үҫкән Әлфиә Ирек ҡыҙы бала сағынан уҡ табип булырға хыяллана. Мәктәпте тамамлағас, Стәрлетамаҡ ҡалаһындағы медицина колледжында белем ала. Ғ.Ғ.Ҡыуатов исемендәге республика клиник дауаханаһында хеҙмәт юлын башлап ебәрә. Бында шәфҡәт туташы булып эшләп, бер аҙ тәжрибә туплай һәм үҙенең медицина юлын дөрөҫ һайлауына тағы ла бер ҡат инана. Артабан табип булыу теләге көслө булған ҡыҙ Башҡорт дәүләт медицина университетының дауалау факультетына уҡырға инә. Уҡыу йортонда ҙур теләк менән белем эстәй, кешеләрҙе һауыҡтырыу серҙәренә төшөнә. Ҡулына диплом алғас, районыбыҙҙа һөнәре буйынса эш башлай.
- Эшкә килгәс та коллективта тәжрибәле табиптар – Зөлфиә Хәмитова, Әлиә Хафизова, Зөлфиә Исламова, Ғәйшә Хәлитова, Илдар Солтанғәлиев һәм башҡалар ниндәй һорауҙар килеп сыҡһа ла, ярҙам ҡулын һуҙҙы. Мин уларға бик рәхмәтлемен, үҙем дә яңы эш башлаған йәштәргә кәңәштәремде бирергә тырышам. Берҙәм, татыу коллективта эшләүемә һөйөнәм.
Беҙ 1-се һәм 3-сө участкаларҙа эшләйбеҙ. Беҙҙең хеҙмәтләндереү ҡарамағында - тәүгеһендә 2287 кеше, икенсеһендә 1909 кеше иҫәпләнә. Һаулыҡтары буйынса иҫәпкә ҡуйылғандар араһында гипертония, шәкәр диабеты, ашҡаҙан-эсәк, үпкә, онкология менән ауырыусылар күп. Иҫәпкә алынғандарҙы йылына мотлаҡ ике тапҡыр килеп күренергә кәрәклеге тураһында иҫкәртәбеҙ. Йәшерәктәр өс йылға бер тапҡыр диспансеризация үтергә тейеш булһа, ҡырҡ йәштән һуң йыл һайын һаулыҡты тикшертеү мотлаҡ. Етди ауырыуҙар ҡайһы саҡта үҙен һиҙҙермәүе, сир билдәләре булмауы ихтимал. Ә диспансерлаштырыу ваҡытында улар тәүге стадияла асыҡлана, - ти изге һөнәр эйәһе.
Участка табип-терапевы Әлфиә Сәйетованы пациенттар һөнәрен еренә еткереп башҡарған, һәр саҡ яғымлы, ихтирамлы мөғәмәләлә булған белгес булараҡ билдәләйҙәр. Уға ҡабул ителеүгә көтөп ултырған пациенттар менән дә һөйләшеп алдым. “Участка табибынан бик уңдыҡ. Әлфиә Ирек ҡыҙы диагнозды дөрөҫ ҡуя, тәғәйенләгән дауалауы ярҙам итә. Бик иғтибарлы, кеше хәленә инеүсән, тыныс, изге күңелле ул. Унан бер ваҡытта ла ҡаты һүҙ ишетмәҫһең. Дарыуҙарҙан тыш, теле менән дә ярҙам итә кеүек, тынысландыра белә. Башҡа белгестәргә, йә тикшерелеүгә ебәрергә булһа, артабан тиҙ арала йүнәлтә”, - тине Константиновка ауылынан килгән Валентина Рәхмәтуллина.
Ауырғазы районының Ишле ауылында тыуып үҫкән Әлфиә Ирек ҡыҙы бала сағынан уҡ табип булырға хыяллана. Мәктәпте тамамлағас, Стәрлетамаҡ ҡалаһындағы медицина колледжында белем ала. Ғ.Ғ.Ҡыуатов исемендәге республика клиник дауаханаһында хеҙмәт юлын башлап ебәрә. Бында шәфҡәт туташы булып эшләп, бер аҙ тәжрибә туплай һәм үҙенең медицина юлын дөрөҫ һайлауына тағы ла бер ҡат инана. Артабан табип булыу теләге көслө булған ҡыҙ Башҡорт дәүләт медицина университетының дауалау факультетына уҡырға инә. Уҡыу йортонда ҙур теләк менән белем эстәй, кешеләрҙе һауыҡтырыу серҙәренә төшөнә. Ҡулына диплом алғас, районыбыҙҙа һөнәре буйынса эш башлай.
- Эшкә килгәс та коллективта тәжрибәле табиптар – Зөлфиә Хәмитова, Әлиә Хафизова, Зөлфиә Исламова, Ғәйшә Хәлитова, Илдар Солтанғәлиев һәм башҡалар ниндәй һорауҙар килеп сыҡһа ла, ярҙам ҡулын һуҙҙы. Мин уларға бик рәхмәтлемен, үҙем дә яңы эш башлаған йәштәргә кәңәштәремде бирергә тырышам. Берҙәм, татыу коллективта эшләүемә һөйөнәм.
Беҙ 1-се һәм 3-сө участкаларҙа эшләйбеҙ. Беҙҙең хеҙмәтләндереү ҡарамағында - тәүгеһендә 2287 кеше, икенсеһендә 1909 кеше иҫәпләнә. Һаулыҡтары буйынса иҫәпкә ҡуйылғандар араһында гипертония, шәкәр диабеты, ашҡаҙан-эсәк, үпкә, онкология менән ауырыусылар күп. Иҫәпкә алынғандарҙы йылына мотлаҡ ике тапҡыр килеп күренергә кәрәклеге тураһында иҫкәртәбеҙ. Йәшерәктәр өс йылға бер тапҡыр диспансеризация үтергә тейеш булһа, ҡырҡ йәштән һуң йыл һайын һаулыҡты тикшертеү мотлаҡ. Етди ауырыуҙар ҡайһы саҡта үҙен һиҙҙермәүе, сир билдәләре булмауы ихтимал. Ә диспансерлаштырыу ваҡытында улар тәүге стадияла асыҡлана, - ти изге һөнәр эйәһе.
Әлфиә Ирек ҡыҙы эшендә изге күңелле, үҙ эшенә яуаплы ҡараған белгес булһа, ғаиләһендә һөйөклө ҡатын һәм хәстәрлекле әсәй. Тормош иптәше Илшат Хөрмәтулла улы менән ике балаға – ҡыҙ һәм улға ғүмер биргәндәр.
Был участкала Әлфиә Сәйетова менән бергә һайлаған һөнәренә тоғро ҡалған, ҡырҡ йылға яҡын эш стажы булған шәфҡәт туташы, тыумышы менән Олокүл ауылынан булған Флүрә Хәлиуллина хеҙмәт итә. Ул Өфө медицина училищеһының акушерлыҡ бүлегендә уҡый. Флүрә Вәсим ҡыҙының бөтә ғүмере тыуған район менән бәйле. Тәүҙә үҙәк район дауаханаһының бала тыуҙырыу бүлексәһендә эшләй. Күпме сабыйҙар уның ярҙамында донъяға килгәнен, әсәләрҙең иң бәхетле мәлдәренә шаһит булғанын әле булһа йылылыҡ менән менән иҫкә ала ул. Артабан бер нисә йыл Боҙаяҙ дауаханаһында акушерка һәм процедура шәфҡәт туташы булып эшләй. Бында ла экстрен рәүештә килгән йөклө ҡатындарға бала табырға ярҙам итә. Район үҙәгенә кире күсеп ҡайтҡас, ҡатын-ҡыҙҙар консультацияһында, шунан кардиологтың шәфҡәт туташы була. 2006 йылдан – участка шәфҡәт туташы.
- Һөнәремде яратам. Кешеләр менән аралашыу, ярҙам итеү оҡшай. Пациенттарҙы ҡабул итеүҙән тыш, диспансеризация үтергә саҡырабыҙ. Һаулыҡтың 50 проценты тормош рәүешенән торһа, 20 проценты тирә-яҡ даирәнән, ә 10 процентына һаулыҡ һаҡлау өлкәһе яуаплы булып тора, - ти Флүрә Хәлиуллина.
Был участкала Әлфиә Сәйетова менән бергә һайлаған һөнәренә тоғро ҡалған, ҡырҡ йылға яҡын эш стажы булған шәфҡәт туташы, тыумышы менән Олокүл ауылынан булған Флүрә Хәлиуллина хеҙмәт итә. Ул Өфө медицина училищеһының акушерлыҡ бүлегендә уҡый. Флүрә Вәсим ҡыҙының бөтә ғүмере тыуған район менән бәйле. Тәүҙә үҙәк район дауаханаһының бала тыуҙырыу бүлексәһендә эшләй. Күпме сабыйҙар уның ярҙамында донъяға килгәнен, әсәләрҙең иң бәхетле мәлдәренә шаһит булғанын әле булһа йылылыҡ менән менән иҫкә ала ул. Артабан бер нисә йыл Боҙаяҙ дауаханаһында акушерка һәм процедура шәфҡәт туташы булып эшләй. Бында ла экстрен рәүештә килгән йөклө ҡатындарға бала табырға ярҙам итә. Район үҙәгенә кире күсеп ҡайтҡас, ҡатын-ҡыҙҙар консультацияһында, шунан кардиологтың шәфҡәт туташы була. 2006 йылдан – участка шәфҡәт туташы.
- Һөнәремде яратам. Кешеләр менән аралашыу, ярҙам итеү оҡшай. Пациенттарҙы ҡабул итеүҙән тыш, диспансеризация үтергә саҡырабыҙ. Һаулыҡтың 50 проценты тормош рәүешенән торһа, 20 проценты тирә-яҡ даирәнән, ә 10 процентына һаулыҡ һаҡлау өлкәһе яуаплы булып тора, - ти Флүрә Хәлиуллина.
