Ҙур спорт фестивале үтте

Нефтекамала ирҙәр һәм ҡатын-ҡыҙҙар араһында традицион республика спорт фестивале уҙҙы. Ярыштар “Демография” милли проектының “Спорт - йәшәү нормаһы” федераль проекты сиктәрендә ойошторолдо.

Сарала Башҡортостандың 12 муниципаль районынан ир-егеттәр һәм ҡатын-ҡыҙҙар командалары ҡатнашты.  Коллективтар программаның түбәндәге төрҙәрендә ярышты: оҙонлоҡҡа һикереү, баскетбол кәрзиненә туп ырғытыу, арҡала ятып тәнде күтәреү (ҡатын-ҡыҙҙар), бейек турникта күтәрелеү (ир-егеттәр), дартс, сүкәйеп йүгереү һәм ҡатнаш эстафета.

Ярыш йомғаҡтары буйынса урындар түбәндәгесә билдәләнде:

Административ үҙәге ауыл биләмәһе булған муниципаль райондар командалары араһында ир-егеттәр турниры:

1-се урын – Нефтекама ҡалаһы

2-се урын – Өфө районы

3-сө урын – Стәрлетамаҡ ҡалаһы.

Административ үҙәге ауыл биләмәһе булған муниципаль райондар командалары араһында ҡатын-ҡыҙҙар турниры:

1-се урын – Өфө районы

2-се урын – Нефтекама ҡалаһы

3-сө урын – Стәрлетамаҡ ҡалаһы.

“Беҙҙә ысын йыйылма команда тупланды – ошо ярыштарҙа тотороҡло рәүештә яҡшы һөҙөмтәләр күрһәтәбеҙ. Коллективта айырым мөхит, тип әйтергә мөмкин: бында төрлө быуын кешеләре, ләкин беҙ барыбыҙ ҙа бер-беребеҙгә ярҙам итәбеҙ, тәжрибә уртаҡлашабыҙ”, - тине Өфө районынан ярышта ҡатнашыусы.

Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды.

Фото: Спорт министрлығы.