Күңеле изгелектә

Ул ауылдаштары өсөн клубта байрамдарҙы күңелле итеп үткәрә, махсус хәрби операцияла ҡатнашыусы яугирҙәрҙе матур итеп ҡаршы алып, оҙатып ҡалыуҙы ойоштора.
Гүзәл Вәхит ҡыҙының "Изге яҙылыу" акцияһына ҡушылып, махсус хәрби операцияла ҡатнашыусы яугирҙең ғаиләһенә "Даирә"район гәзитен бүләк итеүе уға ҡарата тағы ла нығыраҡ ихтирам һәм һоҡланыу тойғолары уятты.
"Ауылдаштарым яугирҙең әсәһе Әлмира апай һәм ҡатыны Светланаға былай ҙа ауыр. Уларҙың тормошона аҙ булһа ла, ҡыуаныс һәм йыуаныс булыр район гәзите. Яңылыҡтар менән танышып барырҙар, хикәйәләр, ҡыҙыҡлы мәҡәләләр уҡып бер аҙ онотолорҙар", - ти Гүзәл Вәхит ҡыҙы.

Шулай, бер-беребеҙгә ҡарата иғтибарлы булып, шатлыҡтарҙы ла, ауырлыҡтарҙы ла бергәләп уртаҡлашып йәшәйек, дуҫтар!