Биш социаль эшҡыуар конкурста еңеү яулаған

2024 йылдың октябрендә социаль эшҡыуарҙар реестрына индерелгән бәләкәй һәм урта эшҡыуарлыҡ субъекттарына Башҡортостан Республикаһы бюджетынан субсидиялар формаһында гранттар биреүгә конкурсҡа йомғаҡ яһалды.

“Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы")  милли проекты сиктәрендә биш социаль предприятие дөйөм суммаһы яҡынса 2,5 миллион һумлыҡ гранттар алды.

- Конкурс йомғаҡтары социаль предприятиеларҙың юғары әүҙемлеген һәм уларҙың инновацион идеяларҙы һәм башланғыстарҙы тормошҡа ашырыуға әҙерлеген күрһәтте. Конкурсҡа тәҡдим ителгән социаль проекттар төбәктә йәмәғәт проблемаларын хәл итеүгә һәм йәшәү сифатын яҡшыртыуға йүнәлтелгән. Дәүләт ярҙамы менән әүҙем эшҡыуарҙарҙың бәйләнеше буласаҡ башланғыстар өсөн тотороҡло нигеҙ булдыра, - тине Башҡортостан Республикаһы эшҡыуарлыҡ һәм туризм министры вазифаһын башҡарыусы Зөһрә Гордиенко.

Әлеге ваҡытта төбәктә ошондай 598 ойошма теркәлгән. Был күрһәткес буйынса Башҡортостан ике йыл дауамында Рәсәй Федерацияһында икенсе урынды биләй. Грантҡа дәғүә итеү өсөн социаль эшҡыуар бер нисә талапҡа яуап бирергә тейеш: Бәләкәй һәм урта эшҡыуарлыҡ субъекттарының Берҙәм реестрында теркәлергә, социаль предприятие статусын раҫларға, уҡыу үтергә һәм үҙ проектын 25 проценттан да кәм булмаған күләмдә берлектә финансларға тейеш.

Быйыл грант алыусыларҙың береһе - Өфө эшҡыуары Рөстәм Нәбиев. 500 мең һум күләмендәге грант финанслауын ул «Йәштәр, үҫмерҙәр, сәләмәтлек мөмкинлектәре сикләнгән кешеләр, хәрби округта ҡатнашыусылар һәм башҡалар өсөн дәртләндереүсе подкастар һәм видеороликтар булдырыу» проектын үҫтереүгә йүнәлтергә ниәтләй.

Шулай уҡ Дүртөйлө районынан социаль эшҡыуарҙар: Гөлназ Исламгәрәева («Изгелек кәрзине» проекты) һәм Наилә Шакирова («Яҡтылыҡ диодлы экрандар ҡуйыу» проекты), Шаран районынан Александр Антонов («Еләкле ферма» проекты), Баҡалы районынан Гүзәл Ғәлләмова («Йортҡа аш» универсаль магазины» проекты) ярҙам алды.

Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла.

Фото: БР Хөкүмәте сайтынан