Радик Юлъяҡшин һағышлы яҙма менән уртаҡлашты

Йырсының был фотоһүрәте күптәрҙе ҡайғыртҡан. 

«Ваҡыт тиҙ үтә. Артур Күсимовтың арабыҙҙа юҡлығына бер йыл булып та бара. Бөгөн командабыҙ һәм музыканттар уның тыуған яғына килдек. Артурҙың әсәһе, ғаиләһе, яҡындары һәм туғандары йыйылды.

Хәҙер уның ҡәберендә таҡтаташ тора. Иҫтәлек ташы тормошта ижади, музыкаль, талантлы һәм йәш булғанлығын сағылдыра. Беҙ уны шундай итеп хәтерләйбеҙ. Артурҙың яҡындарына һәм ғаиләһенә рәхмәтемде белдерәм. Күсим, рәхмәт барыһы өсөн дә. Тыныс йоҡла», - тип яҙған Элвин Грей.

Мәрхүмдең яҡындарының һәм туғандарының ауыр ҡайғыһын уртаҡлашабыҙ.

Автор:Инсаф Хужабирганов

Сығанаҡ: Йәшлек гәзите