Өлкәндәргә хөрмәт йөҙөнән

Был юлы байрамға мәктәп директоры Рәйлә Ғәйнуллинаның тәҡдиме буйынса мәғариф уҙамандарын ғына түгел, ә ауылдың барса оло йәштәге кешеләрен саҡырҙыҡ. Улар өсөн сәй өҫтәле әҙерләнек, матур концерт күрһәттек, уҡыусылар үҙ ҡулдары менән яһаған бүләктәрен хеҙмәт уҙамандарына тапшырҙы.

Инәй-апайҙар сәй табыны артында бер аҙ донъя мәшәҡәттәренән арынып, үҙ-ара  рәхәтләнеп аралашып уҡыусыларҙың сығыштарын алҡыштарға күмеп ултырҙы.

Байрамды ойоштороуҙа А.Ф. һәм З.Ф. Ғәйнуллиндар ғаиләһе иғәнәселек ярҙамы күрһәтте. “Киләһе йылда ла ошо залда осрашырға яҙһын”, - тигән теләк менән тамамланды сара.

Рәйлә Мөхәмәтҡолова.

Шәрипҡол ауылы.