Беҙ йәштәргә өлгө булырға тейешбеҙ

Һайлауҙарҙа ғаилә парҙары әүҙемлек күрһәтә. Ҡарлыман ауылынан Мәүлихә Ғәләүетдин ҡыҙы менән Ринат Мортаза улы Исхаҡовтар ҙа һайлауҙа ҡатнашты. Һайлау кампанияларында, ғөмүмән, йәмәғәт тормошонда элек-электән әүҙем ҡатнашырға тырышабыҙ. Бында йылы мөхит урынлаштырылған. Комиссия ағзалары йылмайып, йылы һүҙҙәре менән ҡаршы алалар, ти Исхаҡовтар. Абруйлы уҡытыусылар бар ғүмерен балаларға белем һәм тәрбиә биреүгә арнаған. Мәүлихә Ғәләүетдин ҡыҙы ҡырҡ йылға яҡын Ҡарлыман ауылы мәктәбендә башланғыс класс балаларына белем бирә. Бөгөнгө көндә хаҡлы ялда. Ринат Мортаза улы 1980 йылдан Ҡарлыман ауылы мәктәбендә директор, тәрбиәүи эш буйынса завуч вазифаларын башҡара, башланғыс хәрби әҙерлек дәресен алып бара. 2011 йылдан Ҡырмыҫҡалы ауылында автомәктәптә водитель һөнәренә уҡыта.
#АлгаВсейСемьей #ВсейСемьей02 #алгаКармаскалинскийрайон

Автор һәм фото: Ф.Рәхмәтуллина