Даирә
+12 °С
Ясна
Бөтә яңылыҡтар
Башҡа яңылыҡтар
23 Апрель , 19:53

Аҡыллы кәңәштәр

Нимә лә булһа эшләһәң , юл үҙенән үҙе асылыр.

Аҡыллы кәңәштәр
Аҡыллы кәңәштәр

1. Тор ҙа эшләй башла. Нимә лә булһа эшләһәң , юл үҙенән үҙе асылыр.

💧2. 7 урынына 40 тапҡыр үлсәп ваҡыт әрәм итмә. Тот та эшләп ҡара. Килеп сыҡһа- шәп, сыҡмаһа эшләп ҡараманым тип әйтмәҫһең.

💧3. Сәйәхәт ит. Йөрөргә ваҡытың, я аҡсаң ҽтмәсә, эш араһында табиғәт ҡосағында йөрөп кер.

💧4. Хаталарҙан ҡурҡма. Тик ятҡан кеше генә хаталанмай.

💧5. Кеше менән ярышма. Башҡаларға эйәрмә, үҙең булып ҡал.
💧
6. Үҙ фҽкерең булһын. Кешене хөрмәт ит, үҙеңсә эшлә. Һинең өсөн башҡалар хәл итмәһен.

💧7. Аллаһҡа хөрмәтеңде күрһәтмәйҽнсә,уның исемен телгә алма.

💧8. Кешегә бәйләнмә. Һинән ситләшкәндәр икән - кит. Үҙ баһаңды бел.

💧9. Аҡса тип дөньяңды онотоп сапма. Бай булһаң да, ярлы булһаң да, бөтөнөбөҙ ҙә бер ҽрҙә осрашасаҡбыҙ.

💧10. Иҫеңдә тот, атай-әсәй, балаларҙы, нисек бар шулай яратабыҙ.

💧11. "Юҡ" тип әйтергә өйрән. Кешенең ҽлкәгә йәһәт кенә менеп ҡунаҡлай торған ғәжәп холҡо бар.
💧
12. Рәхмәтлҽ бул.

💧13. Һәр кемдең һүҙенә ЫШАНМА. Тел һөйәкһеҙ. Кеше лә төрлө була. Ҡайһы берәүҙәр үҙ файҙаһына һөйләй. Үҙ күҙҙәрең күргәнгә ышан.

💧14. УЙЛА. Һөйләр алдынан уйла. Күп һөйләгән кеше арыта һәм тиҙ ялҡыта. Юҡ бар һөйләгәнсе, өндәшмәүең яҡшыраҡ.

💧15. Кемгәлер асыуың сыҡһа, ашыҡма.
24 сәғәт көт , шунан яуап бирерһең. Ул арала тормош та үҙгәреп китҽүе ихтимал. Асыу ҙа һүнә.

💧16. Кешегә һалыныу, кешене үҙ мәнфәғәтеңдә ҡулланыу бик насар ғәҙәт. ҮҘ АЛЛЫ БУЛ.

💧17. ИХТИРАМ ит ҮҘЕҢДЕ!
Иҫәндәрҙең ҡәҙерен, үлеләрҙең ҡәберен бел.

💧18. Үҙгәртә алмаған хәлдәр өсөн борсолма. Бар нимә лә беҙҙең ҡулдан килмәй.

💧19. Тәбиғәткә яҡын бул, беҙ табиғәт балаһы.

💧20. Хыялдарың матур һәм яҡты булһын. Хыялға ирешҽу өсөн нимә дә булһа эшләргә кәрәк.

💧21.Ғүмер һәр кемгә бер генә бирелә. Һәләтеңде, таланттарыңны күрһәтеп ҡал.

💧22. Яуаплы булырға өйрән. Әйткәнһең икән - эшлә. Эшләгәнһең икән - яуабын тот.

💧23. Әйткән һүҙҙәреңә, хыялыңа тоғро бул.

💧24.Уйлаған эшеңде бөгөн эшлә. Иртәгә ул иртәгә булып ҡала.

💧25.Һаулыҡ - бик ҙур байлыҡ. Дөрөҫ туҡлан. Спорт менән шөғөллән. Иртә ят, иртә тор.

💧26. Мөләйем, таҙа бул, матур кҽйен, үҙеңде әҙәпле тот. Эскән һәм тартҡан кеше матур түгел инде, уның йөҙөндә нур һүнә.

💧27. ТЫНЫС бул. Әрләшеп йөрөгән кеше янынан фәрештәләр ҡаса.

💧28. ТЫЙНАҠ бул. Тыйнаҡ кеше һөйкөмлө булып күренә,
💧30. Артыҡ ҡурҡыу зыянлы. Курҡаҡ кеше күп нимәнән мәхрум ҡала.

💧31. Күп уҡы. Уҡымышлы кеше теле менән дә, тормошҡа ҡарашы медән дә айырылып тора.

💧32. Бер ҡасан да БИРЕШМӘ.
ҒҮМЕР ике килми. Үҙ юлыңнан алға атла ла атла. Артҡа ҡарама. Ситкә тайпылма.

Фото: Ф.Рәхмәтуллина

Сығанаҡ: файҙалы кәңәштәр

 

Автор:Фируза Рахматуллина 
Читайте нас: