+1 °С
Болотло
Бөтә яңылыҡтар
10
Башҡа яңылыҡтар
22 Апрель 2024, 19:56
Ләйсән ямғырын йыйғанығыҙ бармы?
Яҙҙың тәүге ямғырын ләйсән ямғыр тибеҙ. Ул апрель уртаһында, бөтә тирә-яҡҡа йәшеллеккә күмелеп, тәбиғәт уяна башлаған саҡта яуа башлай.
Ләйсән ямғырын йыйғанығыҙ бармы?
Яҙҙың тәүге ямғырын ләйсән ямғыр тибеҙ. Ул апрель уртаһында, бөтә тирә-яҡҡа йәшеллеккә күмелеп, тәбиғәт уяна башлаған саҡта яуа башлай. Бик тә шифалы, фатихалы ла ул. Ни өсөн тигәндә, уның һәр тамсыһын ергә фәрештә төшөрә, ямғыр ваҡытында күк көмбәҙе асыла һәм доғалар ҡабул була, ти боронғолар.
Ләйсән ямғыры Аллаһы тәғәләнең рәхмәте, бәрәкәт менән һуғарылған.
Ләйсән ямғырын ҡасан йыйырға? 14 апрелдән 14 майға тиклем, тиҙәр. Һыу өсөн тас алып, уны асыҡ урынға ҡуйырға. Бина ҡыйығынан ағып төшкән ямғырҙы йыйырға ярамай.
Апрель ямғырына:
- 70 тапҡыр салауат әйтергә (Аллааһүммә салли ғәләә Мүхәммәдин үә ғәләә әәли Мүхаммәд йәки саләте мунжийә уҡырға) ;
- 70 тапҡыр истиғфар әйтергә (Әстәгъфируллааһил гәзыйим вә әтүбү иләйһи);
- 70 тапҡыр «Фатиха» сүрәһен уҡырға;
- 70 тапҡыр «Аятел-Көрси» уҡырға;
- «Тәүбә» сүрәһенең иң һуңғы ике аятын уҡырға;
- Бер тапҡыр «Йәсин» уҡырға;
- 70 тапҡыр «Инширах» сүрәһен уҡырға;
- 70 тапҡыр «Ҡәҙер» сүрәһен уҡырға;
- 70 тапҡыр «Кәфирун» сүрәһен уҡырға;
- 70 тапҡыр «Ихлас» сүрәһен уҡырға;
- 70 тапҡыр «Фәләҡ» сүрәһен уҡырға;
- 70 тапҡыр «Нәс» сүрәһен уҡырға.
Нисек эсергә? Ете көн рәттән иртән ас ҡарынға ярты стакан эсергә. Кискеһен дә мөмкин. Ямғыр һыуығыҙ күберәк булһа, 1 стакан да мөмкин.
Йәлилетдин Руми (к.с.) һәм башҡа рухи остаздар үҙҙәренең шәкерттәренә ямғыр һыуы йыйып, унда доғалар уҡып, шифа алырға ниәтләп эсергә кәңәш иткән. Һөҙөмтәһе күп быуатлыҡ практикала иҫбатланған һәм тикшерелгән. Был хәҙис түгел, ғалимдарҙың кәңәше.
Читайте нас: