Ҡауаҡты нисек бөтөрөргә?

Сәстең ҡауаҡлауынан ҡотолоу халыҡ тәҡдим иткән ысулдарҙы ҡулланып ҡарарға мөмкин.

1,5 стакан кефирға шул уҡ күләмдә араҡы һәм бер сей йомортҡа ҡушып бутағыҙ. Килеп сыҡҡан ҡатнашманы көн аша баш тиреһенә һөртөгөҙ.
Бер-ике йомортҡаны күбек барлыҡҡа килгәнсе туҡығыҙ һәм шуның менән башығыҙҙы йыуығыҙ. Һуңынан башығыҙға бал һөртөп, бер сәғәт тотоғоҙ. Аҙағынан сәсегеҙҙе һабын ҡулланмай ғына йылы һыу менән йыуығыҙ.
Зәйтүн майын бер аҙ йылытығыҙ ҙа, һыуынмаҫ борон мамыҡ менән башығыҙға һөртөгөҙ. Башығыҙға бер аҙ массаж эшләп алғандан һуң, сәстәрегеҙҙе целлофан менән ҡаплап ҡуйығыҙ. 20 минуттан һуң бйыуырға мөмкин.
100 г ваҡ ҡына итеп туралған кесерткән япрағына 1,5 стакан һыу ҡойоп, ярты сәғәт бешерергә. Килеп сыҡҡан төнәтмәне һөҙөп алып, 10 көн буйы көн һайын башығыҙҙы шуның менән йыуығыҙ.
25 мл кастор майына 12 тамсы эвкалипт майын ҡушып, сәстәрегеҙгә һөртөгөҙ. 20 минут тотҡандан һуң йыуырға мөмкин.

Ҡулланыр алдынан табип менән кәңәшләшеү мотлаҡ

Автор:Сажиҙә Лотфуллина

Сығанаҡ: Йәшлек гәзите

Автор:Фируза Рахматуллина

Читайте нас

Партнеры