Ҡатын-ҡыҙ көсһөҙ зат тигән фекер менән килешәһегеҙме?

 - Ҡатын-ҡыҙҙарҙы көсһөҙ зат, тигән фекер йөрөй. Эйе, улар ир-аттарға ҡарағанда, йыш ҡына комплекцияһы буйынса бәләкәйерәк, ауыр көс талап ителгән эштәрҙе лә башҡара алмай. Ләкин, бер ҙә уларҙы көсһөҙ зат тип әйтмәҫ инем. Ҡатын-ҡыҙҙар ир-аттар менән бер рәттән эшкә лә йөрөйҙәр, ғаилә усағын һаҡларға, өйҙә йылылыҡ һәм бөхтәлек тоторға ла өлгөрәләр.
Улар тыумыштан ғүмер бүләк итергә һәм именлек һаҡларға тыуҙырылған. Көс ҡулланмайынса матур һүҙҙәр, яғымлы ҡараш һәм хәйләкәрлек менән йоғонто яһарға ла һәләтле.