Балаға 17 йәш тулғансы түләнгән айлыҡ пособие

Ул  0 – 17 йәшлек  балалары булған ғаиләләргә ғаилә  килеме Башҡортостан Республикаһында билдәләнгән йән башына йәшәү   минимумынан кәм булған  осраҡта түләнә. Пособие тәғәйенләгәндә ғаиләнең милек-мөлкәте һәм ата-әсәнең мәшғүллеге иҫәпкә алына. Пособие ғаиләнең оло ағзаларының эш урыны йәки уның булмауы өсөн объектив сәбәптәр булғанда ғына тәғәйенләнә.

Уның күләме ғаиләнең килеменә һәм төбәктәге йәшәү минимумына бәйле.

• 17 йәшкә тиклемге балаға түләүҙең база өлөшө – 6670 һум  (төбәктә балалар өсөн билдәләнгән йәшәү минимумының 50 проценты);
• Ошо сумманы иҫәпкә алып та ғаиләнең килеме йәшәү минимумынан түбән икән, ул саҡта ғаиләгә 10005   һум (балалар өсөн   йәшәү минимумының 75 проценты) түләнергә тейеш.
• Әгәр ҙә был да етмәй икән, ул саҡта балаға 13340 һум (балалар өсөн йәшәү минимумының 100 проценты) тейеш. 

Уны  «Дәүләт хеҙмәттәре» порталы аша, Күп функциялы үҙәк йә Социаль фондтың Башҡортостан буйнынса бүлексәһендә  юлларға мөмкин.

Фото:асыҡ сығанаҡтарҙан.