Әйҙәгеҙ, был һорауға асыҡлыҡ индерәйек.
- Өс төҫлө ипомея (Ipomoea tricolor төрөнә ҡараған үҫемлек) тыйылды. Тап ул наркотик матдәләр, уларҙың прекурсорҙары булған һәм Рәсәй Федерацияһында контролдә тотолорға тейешле үҫемлектәр исемлегенә индерелгән. Ә донъяла ипомеяларҙың 700-ҙән ашыу төрө бар.
- Бына баҡсасылар яратҡаны - шәмәхә төҫөндәге ипомея (ипомея пурпурная). Унда тилерткес матдәләр юҡ, уны үрсетергә мөмкин.
- Өс төҫлө ипомеяның уртаһы (емешлек булған урыны) күпселек осраҡта һары төҫтә була (һирәк осраҡта аҡ төҫкә инә). Ә шәмәхә ипомея һәр ваҡыт - аҡ төҫтә.
- Өс төҫлө ипомеяның сәскәләре күпкә ҙурыраҡ, һабағында һәм япраҡтарында төктәре бөтөнләй юҡ тиерлек.
- Өс төҫлө ипомеяның каса япрағы шыма, бик ҡыҫҡа тештәре кеүек һәм бөтә оҙонлоғо буйынса тығыҙ тоташа. Шәмәхәнең улар төклө, оҙонораҡ һәм тышҡа бөгөлгән.
- Өс төҫлө ипомеяның орлоҡтары оҙонса һәм өсмөйөш формала, ғәҙәти көнбағыш орлоҡтарын хәтерләтә, шәмәхә ипомеяның орлоҡтары түңәрәк була.
Орлоҡ һатып алғанда, иң мөһиме, төр атамаһына иғтибар итегеҙ. Әгәр пакетта был #өс төҫлө Ипомея (Ipomoea tricolor) тиелһә, һатып алмағыҙ!
Билдәләп үтергә кәрәк, әгәр баҡсала ипомея ҡыуаҡтары һаны 100-ҙән артһа, был енәйәт тип баһалана. 3 грамм орлоҡ һаҡлауға йәки алыуға енәйәт эше асыла . Ҡырағай үҫемлектәрҙе юҡ итеү буйынса саралар күрмәгән өсөн дә яуаплылыҡ ҡаралған.
