Гүзәл Уразова ҡыҙын ҡаты диетаға ултыртҡан

Гүзәл Уразова менән Илдар Хәкимовтың бәләкәс ҡыҙҙары Арианала атопик дерматит һәм йомортҡа ағына аллергия. Шул сәбәпле, баланы диңгеҙгә йышыраҡ йөрөтөргә тырышалар. Унда баланың, дарыуҙар эсмәйенсә лә, 3 көндә һауығыуы тураһында һөйләгән ине йырсы.

– Ариана ҡаты диетала. Әлегә ҡарабойҙай, брокколи, кәбеҫтә, ташҡабаҡ, дөгө кеүек аҙыҡтар ғына ашарға ярай. Ә уның иң яратҡан ризыҡтары – ул шоколад, торт, бал, чипсы. Был ризыҡтарҙы өҫтәлдә күреп ҡалһа, «ҡыҙым, был һиңә ярамай, теге ярамай» тип әйтәбеҙ. Ул, әлбиттә, беҙгә асыулана. Ҡайһы ваҡытта «зинһар өсөн, берҙе генә» тип ҡысҡырып илап та, үтенеп тә һорай, – тип яҙа йырсы.