Лимон файҙаһы

Лимон туҡымаларҙы туҡландыра торған С, А, В1, В2, Д, Р витаминдарына бай булған лимон – күп ауырыуҙарҙан дауа. Ул косметологияла лә даими ҡулланыла.

– Тамаҡ шешкәндә телемләп киҫелгән лимонды ауыҙға ҡабып һураһың һәм йотаһың, шуны сәғәт һайын ҡабатларға. Бигерәк тә лимондың ҡабығы файҙалы. Уны сәйнәгәндән һуң, С витамины тамаҡ төбөндәге бактерияларҙы үлтерһен өсөн, башҡа ризыҡ ҡапмай тораһың.

– Йүткергәндә бер тигеҙ күләмдә бал, лимон һыуы, шәкәр ҡомо алып ҡайнатаһың да, өйәнәк башланғас, бер аш ҡалағы күләмендә ҡабып ҡуяһың.

– Тымаулағанда танауға көнөнә 5-6 тапҡыр бер нисә тамсы лимон һыуы тамыҙаһың.

– Вирустарға ҡаршы сөгөлдөр һәм лимон һыуы ҡушылмаһы – иң яҡшы сара.

– Гипертониянан интегеүселәргә тәүлеккә 3-4 тапҡыр ҡабығы менән ярты лимон ашау файҙалы.

– Лимонда витаминдар менән бергә калий кеүек бик кәрәкле микроэлемент та бар. Ул емеш-еләк составындағы цитрин һәм аскорбин кислотаһы менән ҡушылып, ҡан тамырҙарының стеналарын нығыта, уларҙың һығылмалылығын арттыра.

– Танау ҡанағанда тишегенә лимон һыуы һеңдерелгән мамыҡ тығалар. Ҡан ҡаты аға икән, танау япраҡтарын бармаҡтар менән ҡыҫып, өс минут тотаһың. Был ваҡытта маңлайығыҙға һалҡын таҫтамал йәки боҙ ҡуйығыҙ.

Сығанаҡ: vk.com/sovet1001receipt

Фото: proprikol.ru