Беҙ һеҙҙең менән бергә

Махсус хәрби операция биләмәһенә сираттағы гуманитар ярҙам менән бергә редакция район баҫмаларын ебәрҙе.
Хәрбиҙәр тыуған яҡтарынан килгән хәбәрҙәрҙе ҡыуанып ҡабул иттеләр һәм шунда уҡ гәзиттәрҙе уҡырға тотондолар.
- Тыуған райондан килгән яңылыҡтарҙы белеү - беҙҙең өсөн оло ҡыуаныс, - тигән тәьҫораттары менән бүлеште "Старый" позывнойлы яугир.
Алғы һыҙыҡтағы яҡташтарыбыҙ үҙҙәренең йәнтөйәктәрендәге һуңғы ваҡиғалар менән танышты, ҡырмыҫҡалылар хаҡында мәҡәләләр уҡыны.
Егеттәребеҙгә гәзит алып барыуҙы ойошторорға ярҙам иткәндәре өсөн район хакимиәтенә рәхмәт белдерәбеҙ!