Лилиә Ишемйәрова: “Дүрт килограммдан 70 килограмм картуф алдыҡ”

Башҡортостандың халыҡ артисы Лилиә Ишемйәрова үҙенең социаль селтәрҙәрҙәге сәхифәһен бик әүҙем алып бара. Был юлы артҡан акртисабыҙ картуф алған мәлен фотоға төшөргән.

• Тормош иптәшем Урал Мортазин менән быйыл яҙ магазиндан дүрт килограмм бәрәңге һатып алдыҡ та, шуны икегә бүлеп, баҡсабыҙҙағы картуфлыҡҡа сәстек. Сәскәндән һуң: “УҮҫә алһағыҙ, үҫергә тырышығыҙ”, - тип наказ бирҙек. Йәй дауамында уларға әллә ни ҡарау ҙа эләкмәне. Ямғырҙар ҙа булмауын иҫәпкә алғнда, ете биҙрә картуфты һәйбәт уңыш тип әйтергә була! – тип уңышына ҡыуана Лилиә Ишемйәрова.

Ә һеҙҙә быйыл картуфтың уңышы нисек? Ҡыуанырамы?

Фото Лилиә Ишемйәрованың сәхифәһенән алынды.