Гөлгөнә Байегетова ниндәй салат тәҡдим итә?

Баймаҡ районында йәшәгән оҫта ҡуллы Гөлгөнә Байегетова тәмле бәлештәр, бауырһаҡ-сәк-сәктәр бешереп кенә ҡаламй, ә бына тигән уңған баҡсасы ла! Бөгөн ул беҙгә ҡышҡылыҡҡа бик тәмле салат рецебын тәҡдим итә.

"Ошо салатты оҡшаттым инде , артыҡ күп төрлө йәшелсәләр ҙә талап итмәй рецебы һәм тиҙ арала ғына әҙерләнә , былары минең бөгөнгө әҙерләгән ҡышҡылыҡҡа салаттар , бер-бер артлы ике партия әҙерләнем , әле генә эҫе көйөнә банкаларҙы түңкәрҙем дә өҫтөн яҡшы итеп көпләп ҡуйҙым һәм бер ыңғай һеҙҙең менән дә яңылыҡтарым менән уртаҡлашып китергә булдым .

Был салатты күптәрегеҙ беләлер инде , шулай ҙа бөгөн нисек эшләүемде яҙып үтәм : 2 йәки 3 кг помидор + 100 г һарымһаҡ (үҙегеҙ теләгәнсә тәменсә , былай көслө була ) - иттартҡыс аша үткәрергә , ҙур кәстрүлгә һалып ҡайнатырға ҡуйырға , 3 аш ҡалағы шәкәр ҡомо һалырға , 3 аш ҡалағы тоҙ , 10-12 шт ҡара борос борсағы , 5-6 лавр япрағы , мөмкин укроп турап ташларға һәм петрушка (пучоктар), 1 аш ҡалағы уксус кислотаһы йәки 4 аш ҡалағы 9%-лыҡ аш һеркәһе ( уксус столовый ), бер стакан көнбағыш майы (200 г) . Ҡайнап сыҡҡандан алып 15 минут бешерергә , шул арала 2 кг ҡыярҙы түңәрәкләп турарға , помидор 15 минут ҡайнағас, ҡыярҙарҙы һалырға , улар ҡайнап сыҡҡас тағы ла 10-15 минут бешерергә .
Эҫе көйөнә стерилләнгән банкаларға һалып тимер ҡапҡастар менән ябып, йылы әйбергә төрөп иртәгәгә тиклем һыуынғанса ҡуйып торорға. Банкаларҙы мин духовкала стерилизовать иттем , 180°-та 20 минут самаһы ваҡыт. Тимер ҡапҡастарҙы һыуҙа ҡайнаттым , шулай уҡ 15-20 минут ваҡыт эсендә", -ти уртаҡлашҡан Гөлгөнә үҙенең рецебы менән.

Әйҙәгеҙ, ял көндәрендә һеҙ ҙә ҡышҡылыҡҡа бик тәмле салат эшләп ҡарағыҙ әле! Шулай уҡ үҙегеҙҙең ниндәй салататр эшәлйһегеҙ, уларҙың рецептары менән уртаҡлашһағыҙ ҙа була.

Фото: Гөлгөнә Байегетова

Автор:Карима Усманова

https://bashgazet.ru/articles/s-l-m-t-bulayy/2023-08-18/g-lg-n-bayegetova-nind-y-salat-t-dim-it-3394178