Хужабикәгә кәңәштәр

Балыҡты үҫемлек майында ҡыҙҙырырға һәм әҙер булғас, өҫтөнә иретелгән аҡ май ҡойорға кәрәк. Ошолай бешерелһә, балыҡ айырыуса тәмле була.
Аҡ майҙы ҡыҙҙырғанда көймәһен тиһәгеҙ, уны үҫемлек майы менән майланған табаға һалығыҙ.
Манный ярмаһын ҡайнар һөткә һалҡын һыуҙа ебетеп һалһағыҙ, көймәҫ.
Фасолде бешергәндә һыуға 1-2 тамсы үҫемлек ҡушһағыҙ, тәмлерәк һәм йомшағыраҡ булып бешер.
Ҡарабойҙайҙы бешергәндә – 1:2, дөгөгә 2:3 иҫәбенән һыу ҡушалар.
Бешкәндә болғатмаһағыҙ, һауыттың ҡапҡасын асмаһағыҙ, ул үҙ парында тәмле булып бешә.
✴️Сыр ҡырғыстан яҡшыраҡ ыуылһын өсөн уны 10-20 минутҡа һыуытҡыстың туңдырыу камераһына ҡуйып торорға кәрәк.
✴️ Лимондан һут күп бүленеп сыҡһын өсөн, уны бер нисә минутҡа ҡайнар һыуға һалалар
✴️Рассольникка ҡыярҙы иң һуңынан һалығыҙ. Юғиһә картуф бешмәй ҡалыр.
✴️Макаронды бешереп һарҡытҡанда һыуын аҙ ғына ҡалдырығыҙ. Былай эшләгәндә ул кипмәй.
✴️Ҡамыр ҡабара башлағас, 2-3 тапҡыр баҫып ҡуйығыҙ. Ул тиҙ һәм яҡшы күтәрелер. Күпереп, йомшаҡ булып бешер.

Сығанаҡ: Файҙаллы кәңәштәр төркөмөнән.