Радий Хәбиров Таһир Күсимов исемендәге батальон вәкилдәре менән осрашты

Башҡортостандан махсус хәрби операцияға барырға әҙерләнгән бишенсе ирекле батальон Советтар Союзы Геройы, генерал-майор Таһир Күсимов исемен йөрөтә. Бөгөн республика етәксеһе Радий Хәбиров буласаҡ яугирҙарҙы ҡабул итте.

Осрашыуҙа батальонды тәьмин итеү мәсьәләләре ҡаралды. Әлбиттә, хәрбиҙәрҙең ғаиләләренә ярҙам итеү тураһында ла һүҙ булды. Ирекле рәүештә СВО-ға китеүселәр хеҙмәттәге һәр ярты йылға 200 мең һум бер тапҡыр түләнә торған аҡсаны аласаҡ һәм башҡа түләүҙәр ҙә ҡаралған.

Радий Хәбиров ирекмәндәргә Ватан һағына баҫырға теләүҙәре өсөн рәхмәт белдерҙе.

- Минең төбәк башлығы булараҡ төп бурысым - һеҙҙе һәм ғаиләләрегеҙҙе бөтә ресурс менән тәьмин итеү. Башҡортостан халҡы ла һеҙҙең өсөн борсола һәм гуманитар ярҙам ебәреүҙә әүҙем ҡатнаша, - тине БР Башлығы.

Таһир Кусимов исемендәге батальон командиры белдереүенсә, шәхси состав төҙөлгән, хәрби әҙерлек үтергә китергә әҙерҙәр.

Фото: БР Башлығы сайтынан.

Автор:Алһыу Ишемғолова

Читайте нас в