Ретро-паровоз беҙҙә туҡтала

“Еңеү паровозы” 29 апрелдә Өфө вокзалында туҡталыш яһай.

29 апрелдән 5 майға тиклем Куйбышев тимер юлында ойошторолған «Еңеү паровозы» ретро-составы магистралдең 7 эре станцияһында: Өфө, Бөгөлмә, Яр Саллы, Ульяновск, Рузаевка, Пенза-1 һәм Һамарҙа буласаҡ. Маршруттың дөйөм оҙонлоғо 2,5 мең саҡрым самаһы тәшкил итәсәк, тип хәбәр итә Куйбышев тимер юлының матбуғат хеҙмәте.

 Составына Бөйөк Ватан һуғышы осорондағы хәрби техника менән платформалар һәм “Үлемһеҙ полк”тың пассажир вагондары индерелгән. Өфөгә паровоз 29 апрелдә иртәнге сәғәт 11-ҙә килә.