“Фәҡирҙәрҙе һоранып йөрөүҙән ҡотҡарығыҙ”

Әҙәм балаһы фытыр саҙаҡаһы бирмәһә, уның ураҙаһы ҡабул ҡылынмай, Рамаҙан айында башҡарған изге ғәмәлдәре Аллаһ Тәғәләгә еткерелмәй, тиелә динебеҙҙә.

Уның быйылғы күләме түбәндәгесә билдәләнгән:

* матди хәле уртасанан түбәнерәк мосолман өсөн – ғаиләһендәге һәр кемдән 150-шәр һум;
* урта хәлле мосолман өсөн – ғаиләһендәге һәр кемдән 300-әр һум;
* хәлле мосолман өсөн – ғаиләһендәге һәр кемдән 800-әр һум.

Мәғлүм ки, бындай күләмдәр арпаның, бой­ҙайҙың, хөрмәнең, йөҙөмдөң хаҡына ҡарап бил­дәләнә. Фытыр саҙаҡаһы – фарыз ғәмәл, уны һәр кем үтәргә тейеш. Балалар өсөн ата-әсәһе бирә. Саҙаҡаны иман йортона алып барып тап­шырырға, шул уҡ ваҡытта мохтаждарға, ярлыларға таратырға мөмкин. “Фәҡирҙәрҙе һоранып йөрөүҙән ҡотҡарығыҙ”, – тигән пәйғәмбәребеҙ Мөхәммәт ғәләйһис-сәләм.

Ураҙаларыбыҙ ҡабул булһын, иншаллаһ!

14 апрелгә сәхәр, ифтар, намаҙ ваҡыттарын тәҡдим итәбеҙ.

Фото: islam.ru