Картуф һәм йәшелсә етештереүселәргә субсидия ҡаралған

Башҡортостан Ауыл хужалығы министрлығының «Башҡортостан Республикаһы Хөкүмәтенең 2022 йылдың 4 октябрендәге «Башҡортостан Республикаһы бюджетынан картуф һәм йәшелсә етештереүҙе арттырыуға этәргес биреү өсөн субсидия бүлеү тәртибен раҫлау тураһында» 626-сы ҡарарын тормошҡа ашырыу тураһында»ғы бойороғо республиканың рәсми хоҡуҡи мәғлүмәт интернет-порталында баҫылған.

Документ менән республика бюджетынан картуф һәм йәшелсә үҫтереүгә бүленә торған субсидия ставкалары раҫланған. Мәҫәлән, картуф сәселгән майҙандың һәр гектарына – 15 мең һум, асыҡ тупраҡтағы йәшелсәнекенә 17 мең һум бүленә. Ябыҡ тупраҡта йәшелсә үҫтереүгә киткән сығымдарҙың өлөшөн ҡаплау – бер тонна өсөн 3 мең һум.

Шулай уҡ субсидия алыу өсөн ғариза формаһы һәм кәрәкле документ өлгөләре бирелгән.

https://www.bashinform.ru/news/economy/2023-03-30/v-bashkirii-utverzhdeny-stavki-subsidiy-proizvoditelyam-kartofelya-i-ovoschey-3197706