Тирмән тарта, талҡан эшләй инәй

Тиктормаҫ, эшһөйәр инәйҙәр һәр ауылда бар. Йылайыр районының Юлдыбай ауылында йәшәгән Сәкинә Ибраһим ҡыҙы Буканова боронғо шөғөлдәребеҙҙең береһен һаман ташламай – тирмән тартып талҡан эшләй. Тәмле ризыҡ менән балаларын, күрше-күләнен, ауылдаштарын һыйлай.

Оҫта ҡуллы инәйҙе юлдыбайҙар шәл бәйләүсе тип тә белә. Өйөн үҙе эшләгән ҡорама юрғандар биҙәй. Ҡулдарының йылыһы һалынған, изге доғалар уҡый-уҡый эшләгән яҫтыҡ-юрғандарҙы бала-сағаһына бирнәлеккә бирә.

Сәкинә инәй эшләгән ҡомалаҡ әсеткеһенән икмәк бик уңып бешә, ти ауыл халҡы.

Фото һәм видео: Миләүшә Иҫәндәүләтова.

Автор:Рузилә Иҫәнбаева

https://bashgazet.ru/articles/bash-ort-donya-y/2023-01-24/tirm-n-tarta-tal-an-eshl-y-in-y-3116908