Өфөлә йәнә «эвакуация тулҡыны» башланды

Иртән төҙөлөш колледжына һәм сауҙа үҙәгенә мина һалынған тигән хәүефле хәбәр килгән. Барыһына ла бинанан сығырға тура килгән. «Башинформ»ға үҙ сығанағы хәбәр итеүенсә, 1-се һәм 46-сы лицейҙарҙа ла ошондай хәл булған. Балаларҙы һәм хеҙмәткәрҙәрҙе резерв биналарға күсергәндәр.

Яҡынса мәғлүмәттәр буйынса, кинологтар эттәр менән кабинеттарҙы тикшерә — шикле предмет эҙләй. Ғәҙәттәгесә, ашығыс һәм көс ведомстволарының береһе лә «эвакуация тулҡындары» менән бәйле хәлгә аңлатма бирмәй.

Бынан алдараҡ «Башинформ» 17 ғинуарҙа Хоҙайбирҙин урамында урынлашҡан 21-се лицей уҡыусыларын эвакуациялауҙары тураһында хәбәр иткәйне.

https://www.bashinform.ru/news/social/2023-01-18/v-ufe-srochno-evakuirovali-uchaschihsya-i-sotrudnikov-odnogo-iz-litseev-goroda-3109797