Бәхетле булып үҫ, яугир улы!

Махсус хәрби операцияла ҡатнашҡан Башҡортостан батальоны взводтарының береһенең командиры "Томан"дың ноябрь башында балаһы тыуғайны. Яугирҙең ҡатыны Гөлнара уға ул бүләк иткән.

Әсә һәм сабый үҙҙәрен яҡшы тоя. Малайға Нуриман тип исем ҡушҡандар. "Уның исемен тормош иптәшем менән ике йыл элек уйлап ҡуйғайныҡ. Ул "иман яҡтылығы" тигәнде аңлата. Был исем минең өсөн бик тәрән мәғәнәгә эйә, сөнки беҙҙе, өйҙә ҡалған ҡатындарҙы һәм әсәләрҙе, хәҙер тик иман ғына ҡотҡара", - ти Гөлнара.

Фото: vk.com/bashbat