Илһөйә Бәҙретдинова ҡаты сиргә тарыған

Татарстандың атҡаҙанған артисы, күптәрҙең яратҡан йырсыһы Илһөйә Бәҙретдинова күптән түгел операция кисергән. Халыҡ уны үҙ тормошон һәм ижадын асыҡтан-асыҡ бәйән иткән йырсы булараҡ яҡшы белә һәм хөрмәт итә.

Был юлы ла Илһөйә Бәҙретдинова борсолоуының серен асҡан. "Йәшерер нимәм юҡ - күптән түгел операция кисерҙем. Аңлағандар аңларҙар, бөгөн мин гистология анализын көтәм", - тигән.

Ә беҙ, үҙ сиратыбыҙҙа, йырсыға тиҙерәк һауығыуын һәм Башҡортостанға гастролдәргә килеүен теләйбеҙ!

Фото: "Интертат".