Даирә
-24 °С
Болотло
75 лет Победы
Бөтә яңылыҡтар
Башҡа яңылыҡтар
24 Ноябрь , 15:51

Әсәй булыу ниндәй бәхет

Ҡырмыҫҡалы ауылында йәшәүсе Әғзәмовтарҙың ғаиләһенә бәхет ишелеп килгән. Бер ҡыҙ янына ғаилә тормоштарына йәм өҫтәп, ҙур мөғжизәгә тиң Хоҙай бер юлы өс игеҙәк малай бүләк иткән.

Әсәй булыу ниндәй бәхет
Әсәй булыу ниндәй бәхет

Күп бала әсәһе Әғзәмова Розалия Фәнис ҡыҙына улар­ҙы ҡарау, тәрбиәләү өсөн бик етеҙ һәм өлгөр булырға кәрәк. Ә уңған ҡатын ғаиләһендә лә өлгөрә, “Стендмастер” йәм­ғиә­тенә эшкә лә йөрөй. Беҙ ял көнө килгәндә өйҙә әсә дүрт балаһы һәм уларға килгән әсәһе менән ине.
Балаларға лайыҡлы тәрбиә биреү өсөн Әғзәмовтар ҙур тырышлыҡ һала. Ғаилә баш­лығы Заһит Ирфат улы вахта ысулы менән эшләп, ғаиләһен матди яҡтан тәьмин итә, өйҙә булған саҡтарында улар менән ваҡыт­тарын бергә файҙалы итеп уҙға­рырға тырыша. Ә шулай ҙа тәр­биә­нең иң күбе әсә иңенә төшә. Ул балалары­ның уҡыуына, тәр­тибенә генә түгел, дәрестәр­ҙән һуң шөғөл­ләнеүҙәренә лә ныҡлы ­иғ­­ти­бар бирә. Барыһы ла ты­ры­шып уҡыйҙар, уларҙың бер генә лә буш ваҡыттары ҡал­май, тиһәң дә була. 8-се класта уҡыған Ариа­на кесе кластар­ҙан сәнғәт мәктә­бенә йөрөй, фортепиано класын­да шөғөл­лә­нә. 1-се клас­та белем алған ма­лай­ҙар дәрес­тәр­ҙән һуң төр­лө түңәрәктәрҙә - бейеү, сән­ғәт һәм һүрәт төшөрөү бул­һын­мы, барыһына ла өлгөрә­ләр. Уҡырға төшкәнсе үк ҡул һуғы­шы буйынса спорт сек­ция­һында шөғөллә­нә­ләр. Ата-әсә уларға телефон то­тоу­ҙы ҡәт­ғи тыйып ҡуйған. Әлегә телефон­дың уларға кәрәге юҡ, тигән фекерҙә улар.
Малайҙар балалар баҡса­һы­на йөрөгән саҡта уҡ “Рас­тишка”ға йөрөп, хәрефтәрҙе ҡушып уҡыр­ға өйрәнә. Теле­ви­зор­ҙағы бер ка­нал­да яҙып, кәрәкле нимәне та­быр­ға кә­рәк, шуға өйҙә лә үҙаллы ты­ры­ша­лар. Шуның бу­йын­са ҡа­ғыҙ­ҙан төрлө әйберҙәр яһайҙар.
Әсәһе менән һөйләшеп ултыр­­­ған саҡта игеҙәктәр бер-бер артлы үҙҙәренең “һөнәр­ҙә­рен” күрһәтергә тотондо. Сәғит спорт­ты һөйөүен күр­һәтте: иҙәндән һәм өйҙәрендәге спорт мө­йө­шөндәге турникта кү­тә­релде, гантелдәр менән шөғөл­ләнде. Салауат үҙе төшөргән һүрәттәрен, лего­ла­рын күр­һәт­те, Самат бок­сер­ҙар кейе­мен һәм бейәләйҙәрен кейеп, күнекмәләр яһаны. Был шуҡ, тиктормаҫ малайҙарҙан күҙ­ҙәрҙе алып булманы.
- Мин үҙемде бик бәхетле һанайым. Ышаныслы тормош иптәшем менән бергәләп сәлә­мәт балалар тәрбиәләй­беҙ, яҡын­да ғына атай-әсәйем йә­шәй, улар ҙур ярҙамсы, терәк-таяныс булып тора.
Ҡыҙыбыҙ Ариана ныҡыш, үҙ һүҙле, маҡсатына ирешеү­сән ҡыҙ. Уның иң яратҡан фә­не – мате­матика. Яҡшы уҡы­ғаны, олим­пиадаларҙа, сара­лар­ҙа ҡат­нашҡаны өсөн бихисап Маҡтау ҡағыҙҙарына, Дипломдарға эйә, Өфөлә Пре­зидент шыршыһын­да ла булға­ны бар. Сәнғәт мәктә­бенең стипендияһына ла эйә булды. Бер ваҡыт “Ай гим­назисы” исемен дә ал­ғай­ны. Улар үҙ-ара дуҫ, татыу­ҙар, лидерлыҡ сифат­тар­ға эйә­ләр, ҡыйыуҙар. Кеске­нәнән, әле­ге көндә лә инде, иғтибар күп булғаны өсөн бик ныҡ үҙҙә­ренә ышаналар. Дуҫ­тары менән дә уйнарға ярата­лар, иптәштәре ихтирам итә. Улда­рыбыҙ игеҙәк бул­һа­лар ҙа, холоҡ­тары айырыла. Барыһы араһынан да Сәғит аралашыусаныраҡ. Самат менән Салауат мәктәптә үк өйгә бирелгән эштәрҙе эшләп ҡайталар, ә Сәғит өйҙә эшләй, - тип Розалия Фәнис ҡыҙы ғаилә­һе һәм балалары тураһында йылылыҡ менән һөйләне.
Ғәҙәттә, ишле ғаиләлә бала­лар эшһөйәрлеккә өйрәнеп үҫә. Әғзәмовтарҙыҡы ла тырыш, ныҡышмал, тәртипте яратыусан булып тәрбиәләнә. Апайҙары ашар­ға әҙерләһә, туғандарын ҡа­раш­һа, игеҙәктәр ҙә ҡалыш­маҫҡа тырыша. Улар урындарын йыйыштыра, һауыт-һаба йыуа, кейемдәрен йыйып ҡуя, саң һур­ҙырғыс менән ҡуллана, ҡамыр ризығын бешергәндә ярҙамла­шырға ярата.
- Тәүҙә атай-әсәйебеҙ менән бергә торҙоҡ. Улдарыбыҙға өс йәш тулғас, беҙгә торлаҡ өсөн республика Хөкүмәте сертифи­кат бирҙе. Был аҡсаға дүрт бүл­мәле иркен, яҡты йорт һатып алдыҡ. Күп балалы ғаилә тура­һында хәстәрлек күреүсе Хөкү­мә­тебеҙгә рәхмәтлебеҙ. Ишле ғаиләбеҙҙә ҡыҙҙың да, малай­ҙарҙың да үҙ бүлмәләре, дәрес әҙерләү, өйҙә шөғөлләнеү өсөн үҙ мөйөштәре бар. Балаларҙың барыһы ла әүҙем, уҡыуға һәм уҡыуҙан тыш шөғөлдәргә ынтылыштары ҙур. Уларҙы кеше итеү өсөн ҡулдары­быҙҙан килгәндең барыһын да эшләргә тырышырбыҙ, - тип һүҙен тамамланы әсә.
Һәр сабый донъяға үҙ өлөшө, үҙ ризығы менән тыуа. Был ғаиләлә лә наҙлы ҡыҙ һәм шуҡ, көр күңелле малайҙар сәләмәт, изгелекле булып үҫһендәр һәм тормошта үҙ урындарын табып, бәхетле булһындар.
Фәниә Сәлимгәрәева.
Автор фотоһы.

Автор:Фируза Рахматуллина 
Читайте нас в