Ныҡышмалы хеҙмәт һөҙөмтәһе

Йыйылышта Башҡортостан республика ҡулланыусылар йәм­ғиәттәре союзы идараһы рәйесе Венер Ильясов, муниципаль ра­йон хакимиәте башлығы Әлфир Сабиров, район Советы рәйесе Ринат Шайбәков, Бишбүләк районы ҡулланыусылар йәмғиә­те рәйесе Ринат Гәрәев, ауыл би­лә­мәләре хакимиәттәре, район ҡулланыусылар йәмғиәтенең вәкәләтле пайсылары һәм саҡырылыусылар ҡатнашты.
Район ҡулланыусылар йәм­ғиәте пайсылары йыйылышында 2018-2022 йылдағы эшкә йомғаҡ яһалды. Үтеп барған йыл эш­ҡы­уарҙар өсөн дә, район халҡы өсөн дә ауыр булды, тип билдәләне район ҡулланыусылар йәмғиәте рәйесе Рәүис Хажиев.
- Көнбайыштың бығаса бул­маған санкциялары бер ҡасан да тамамланмаясаҡ. Беҙгә ошондай шарттарҙа эшләргә тура килә­сәк. Шуға ҡарамаҫтан, отчет осо­ронда беҙҙең предприятиелар ла­йыҡ­лы эшләне, тип иҫәпләйем. Бөтә эшмәкәрлек төрҙәре бу­йын­са тулайым әйләнеш 642 мил­лион һумдан 660 миллион һум­ға тиклем үҫте һәм 3 мил­лиард 193 миллион һумға етте, йәғ­ни биш йылда тулайым әйлә­неш 4 миллиард һумға тиерлек артты. Тулайым әйләнеш буйын­са беҙ Башпотребсоюз система­һында, Баҡалы районынан ҡала, икенсе урынды биләйбеҙ.
Сауҙа менән беҙҙә 8 пред­приятие шөғөлләнә: “Ҡырмыҫ­ҡалы” етештереү берекмәһе һәм “Ҡырмыҫҡалы икмәк комби­наты”, “Йәйғор”, “Ефремкин”, “Дуҫлыҡ”, “Сулпан”, “Ҡыр­мыҫ­ҡалы-Һәүәләй” ҡулланыусылар кооперативтары һәм “Ефрем­кин” ауыл хужалығы етештереү кооперативы.
Сауҙа 39 магазинда, шул иҫәп­тән 28 – үҙ-үҙеңде хеҙмәт­лән­дереү магазиндарында алып барыла. Бынан тыш, “Байрам” селтәрҙәрендә ауыл хужалығы кооперативының шоп-ин-шоп тибындағы 4 нөктәһе бар.
Гастрономда Һатыу күләме­нең иң күп әйләнеше – айына 4 миллион һум. Шайморатов һәм Сахай ауылдарында, Ҡырмыҫ­ҡалы ауылының 4-се магази­нын­да бер миллион һумдан ашыу. Олокүл, Ефремкин, Ҡарлыман һәм Иҫке Бәпес ауылдары магазиндарында бер миллион һумға яҡын самаһы.
Магазиндарҙы заманса яңыр­тыу, уңайлы эш шарттары тыу­ҙырыу өсөн бик күп эштәр эшлә­нә. Быйыл “Ефремкин” ҡулла­ныу­сылар кооперативының Ҡырмыҫҡалы ауылындағы 4-се магазинында (етәксеһе Олег Васильев) “Метро” селтәре ме­нән берлектә “Фасоль” магази­ны асылды. Магазиндарыбыҙ булмаған тораҡ пункттарҙа күсмә сауҙа ла һүлпән ойошторолған. Был эш “Ефремкин” ҡулланыу­сылар кооперативында әҙме-күпме алып барыла.
Әйткәндәй, бөгөн “Ҡырмыҫ­ҡалы икмәк комбинаты” – баҙарҙың танылған лидерҙары­ның береһе, Башҡортостан ҡул­ланыусылар союзының иң ҙур предприятиеһы булыуға ҡара­маҫ­тан, икмәк-ҡалас изделиела­рын һатыу күләме 2018 йылда 4500 тоннанан 2022 йылда 3000 тоннаға тиклем, йәғни 1,5 тап­ҡырға кәмене. Беҙ, әлбиттә, ик­мәк һәм кондитер изделиелары етештереүҙе арттырыу өсөн ба­ры­һын да эшләргә тырышабыҙ.
Беҙҙә 2 икмәк комбинаты, 2 кондитер цехы, 2 кафе һәм кафе­терий, 2 әҙерлек контораһы, авто­гараж, келәт һәм 64 магазин бар.
Отчет осоронда 16 миллион һумға автогараж, Боҙаяҙ, 4-се һәм 5-се Ҡырмыҫҡалы магазин­дары һәм башҡалар капиталь ремонтланған. Системала 200 кеше эшләй. 28 эшсе юғары белемле, 56 урта профессиональ белемле хеҙмәткәр. Йыл һайын Башҡортостан кооператив инс­титуты етәкселәр өсөн квалифи­кация күтәреү кустары ойошто­ра. Системала башлыса ҙур тәж­ри­бәле һәм тәжрибәле кадрҙар эшләй. Әлеге ваҡытта беҙҙең райпола ике "Салауат Юлаев" орде­нын йөрөтөүсе һәм биш атҡаҙанған хеҙмәткәр эшләй.
Ағымдағы йылдың октябрен­дә ауыл советтары башлыҡта­рының һәм хеҙмәткәрҙәрҙең ярҙамы менән район буйынса пайсыларҙы теркәү ойошторол­до. Бөгөнгө көндә 2597 пайсы һәм ҡулланыусылар кооператив­тарында 300 пайсы иҫәпләнә. Бөтәһе – 2900. Пай фонды 907 мең һум, - тине район ҡулланыу­сылар йәмғиәте рәйесе Рәүис Әбүзәр улы отчет эше менән таныштырып.
- Һуңғы бер нисә йылда беҙ һынауҙар һыҙатында йәшәйбеҙ. Ә һынауҙар төрлө - ковид та, махсус хәрби операция ла, санк­ция баҫымы ла. Пандемия ваҡы­тында ауыр тормош хәлендә ҡалған ғаиләләргә район ҡулла­ныусылар йәмғиәте тәүге кәрәк-яраҡ продукттары менән ярҙам күрһәтһә, әлеге иҡтисади һәм сәйәси хәлгә бәйле был еңел булмаған осорҙа мобилизация­лан­ған яугирҙарға гуманитар яр­ҙам йыйыуҙа ярҙам ҡулы һуҙҙы. Рәүис Әбүзәр улы гуманитар ярҙамды шәхсән үҙе лә алып бар­ҙы. Күп мәсьәләләрҙе хәл итеүҙә ҡатнашыуығыҙ өсөн барығыҙға ла оло рәхмәтебеҙҙе белдерәм. Барыһына ла ҡулайлашабыҙ, төрлө шарттарҙа эшләргә өйрән­дек, сауҙала һәм производ­ствола һәм башҡа бөтә йүнәлештәрҙә лә уңыш буласаҡ, тип ышанам. Төрлө һынауҙарға ҡарамаҫтан, район ҡулланыусылар йәмғиә­тенең хеҙмәте юғары кимәлдә, тип танылды. Былтыр “Ҡыр­мыҫҡалы икмәк комбинаты” ҡулланыусылар йәмғиәте ида­раһы рәйесе Әлфирә Богданова “Салауат Юлаев” орденына лайыҡ булһа, быйыл ошо уҡ награда менән Рәүис Әбүзәр улы бүләкләнде. Был – ныҡышмалы хеҙмәт һөҙөмтәһе,- тине муни­ципаль район хакимиәте баш­лығы Әлфир Сабиров.
Йыйылыш һуңында пайсы­лар район йәмәғәт берекмәһе Советы рәйесен һәм биш кеше­нән торған Совет ағзаларын һай­ланы. Бер тауыштан Совет рәйе­се итеп Рәүис Хажиев тәғәйен­ләнде.
- Беҙ һеҙҙең менән йәмғиә­те­беҙҙе үҫтереү һәм нығытыу бу­йын­са ҙур эш башҡарҙыҡ һәм ҡуйылған бурыстарҙы үтәү өсөн беҙҙә барыһы ла бар, иң мөһиме - коллективыбыҙ эшһөйәр һәм берҙәм. Фиҙаҡәр хеҙмәте, үҙ эше­нә тоғролоғо өсөн бөтә хеҙмәт­кәрҙәргә ихлас рәхмәтемде бел­де­рәм. Һеҙгә һәм яҡындарығыҙға ныҡлы һаулыҡ, именлек, уңыш­лы эш теләйем, - тип йомғаҡ яһаны район ҡулланыусылар йәмғиәте рәйесе Рәүис Хажиев.
Фирүзә РӘХМӘТУЛЛИНА.