Республика синоптиктары алдағы өс көнгә һауа торошон хәбәр итте

Башгидромет мәғлүмәттәренә ярашлы, бөгөн, 21 ноябрҙә, төбәктә аяҙлы-болотло һауа торошо көтөлә, урыны менән бер аҙ ҡар яуа, тип хәбәр итә "Башинформ" агентлығы. Ел көнсығыштан, төньяҡ-көнсығыштан секундына 5-10 метр тиҙлектә иҫә. Һауа температураһы көндөҙ -5, -10, урыны менән -15 градус.

Шишәмбе, 22 ноябрҙә, яуым-төшөмһөҙ. Ел көньяҡ-көнсығыштан талғын. Һауа температураһы төндә -10, -15, урыны менән -20, -25 градус. Көндөҙ - 6-11, республиканың көнсығышында -15 градусҡаса һыуыта.

Шаршамбы, 23 ноябрҙә, төндә яуым-төшөмһөҙ. Көндөҙ бер аҙ ҡар яуа. Ел көньяҡ-көнсығыштан, талғын. Һауа температураһы төндә -9, -14 градус, урыны менән 22 градусҡа тиклем һыуытыуы ихтимал. Көндөҙ -5, -10 градус.

https://www.bashinform.ru/news/social/2022-11-21/sinoptiki-bashkirii-soobschili-prognoz-pogody-na-blizhayshie-dni-3038359