Ҡаҙ өмәләре гөрләй

Хәйбулла районы башҡорттары Ҡоролтайы белдереүенсә, район ауылдарында Ҡаҙ өмәләре гөрләй. Первомайск ауылы халҡы был өмәне боронғо ғөрөф-ғәҙәттәргә таянып башҡарған. Элек-электән ҡаҙҙың бер ерен дә әрәм итмәгәндәр, майынан ҡоймаҡ ҡойоп ашағандар. Хатта эсәктәрен дә таҙартып, тәпәйенә урап бешергәндәр, ти ауыл ағинәйҙәре.

Ә һеҙҙең яҡтарҙа Ҡаҙ өмәләре нисек үтә? Ошо хаҡта беҙгә лә яҙып үтһәгеҙ ине.

Фото һәм видео: Хәйбулла районы башҡорттары Ҡоролтайы сайтынан.