Башҡортостанда махсус хәрби операцияла ҡатнашыусыларҙың туғандары «Ғаилә» үҙәктәрендә социаль ярҙам алырға мөмкин

Өлөшләтә мобилизация иғлан ителгәндән һуң Башҡортостандың «Ғаилә» үҙәктәренә махсус хәрби операцияла ҡатнашыусыларҙың 800-ҙән ашыу туғаны мөрәжәғәт иткән, тип белдерҙеләр Хеҙмәт министрлығының матбуғат хеҙмәтендә, ти "Башинформ" агентлығы.

Ошо үҙәктәрҙең белгестәре төрлө ярҙам сараларын күрһәтеү мәсьәләләре буйынса 900-ҙән ашыу консультация үткәргән, 86 хәрби хеҙмәткәрҙең ғаилә ағзаһына психологик ярҙам күрһәтелгән.

«Меңдән ашыу кешегә аҙыҡ-түлек, кейем-һалым, балалар өсөн гигиена әйберҙәре менән ярҙам иттеләр. Белгестәр бөтәһе 839 ғаиләгә барҙы, — тинеләр Хеҙмәт министрлығында.  — Махсус хәрби операцияла ҡатнашыусыларҙың ғаилә ағзаларының 131-е өйҙә хеҙмәтләндерелә башланы. Уларҙың 118-е — оло йәштәгеләр, һигеҙ инвалид, шулай уҡ инвалид бала тәрбиәләгән биш ғаилә».

Башҡортостандың «Ғаилә» үҙәктәренең берҙәм телефоны: 8-800-347-5000.

Тулыраҡ мәғлүмәтте республиканың Ғаилә порталынан алырға мөмкин.

https://www.bashinform.ru/news/social/2022-11-01/v-bashkirii-rodstvenniki-uchastnikov-svo-mogut-poluchit-mery-sotspodderzhki-v-tsentrah-semya-3011922