Паралимпиясыларҙың йәйге уйындарында республикабыҙ командаһы икенсе урынды алды

Сочиҙа йәйге паралимпиясылар уйындарына йомғаҡ яһалды, тип хәбәр итә "Башинформ" агентлығы. Башҡортостандан уйындарҙа 46 көслө спортсы ҡатнашып, 14 алтын, 29 көмөш һәм 28 бронза миҙал яуланы. Башҡортостан миҙалдар һаны буйынса Рәсәй субъекттары араһында икенсе урынды алды. Алтын миҙалдар буйынса иһә етенсе урында.

Дмитрий Лавров (өҫтәл теннисы), Илнур Ғарипов, Богдан Мозговой, Андрей Николаев (йөҙөү) һәм Алексей Лабзин (һөңгө ырғытыу) юғары наградалар яуланы, ә Тимур Хәмәтшин (фехтование) республика командаһына көмөш миҙал килтерҙе, тип хәбәр иткәйне «Башинформ» мәғлүмәт агентлығы.

https://www.bashinform.ru/news/sport/2022-10-11/na-letnih-igrah-paralimpiytsev-komanda-bashkirii-zanyala-2-mesto-2985036