+24 °С
Ямғыр
Башҡа яңылыҡтар
7 Октябрь 2022, 05:05
Ейәнсура журналистары ойоҡбаш бәйләй
"Ир-егеттәребеҙҙең хәрби хеҙмәтен еңеләйтеү өсөн барыһын да эшләргә әҙербеҙ", – ти баш мөхәррир Виктория Куянова.
Ейәнсура журналистары ойоҡбаш бәйләй
Әле республикабыҙ халҡы мобилизацияланған яҡташтарыбыҙға бар хәленсә ярҙам итергә тырыша.
Мәҫәдән, район гәзиттәре хеҙмәткәрҙәре өлөшләтә мобилизацияға эләгеп, әле хәрби әҙерлек үткән ир-егеттәргә ярҙам йөҙөнән “Йөрәк йылыһын бүлешеп” акцияһын иғлан итте. “Ейәнсура таңдары”, “Зианчуринские зори” гәзиттәрендә эшләгән ҡатын-ҡыҙҙар унда ҡатнашып, хәрбиҙәргә йылы ойоҡбаштар, шарфтар һәм башҡа йылы әйберҙәр бәйләүҙе ойошторған.
– Ҡул эштәребеҙ ир-егеттәребеҙҙе һыуыҡтарҙан ҡотҡарып ҡына ҡалмаҫ, ә уларҙы өйҙәрендә түҙемһеҙлек менән көткәндәрен еткерер, хеҙмәттәрен еңеләйтеү өсөн барыһын да эшләргә әҙер булыуыбыҙҙы күрһәтер, – ти район гәзитенең баш мөхәррире Виктория Куянова.
Журналистар битараф булмаған яҡташтарын акцияла ҡатнашып, хәрби әҙерлек үткән ир-егеттәргә күңел йылыһын бүләк итергә саҡыра.
“Акциянан ситтә ҡалмағыҙ. Хәрбиҙәребеҙгә ситтән булһа ла ошолай ярҙамыбыҙҙы күрһәтәйек. Уларҙың күңелдәрен күтәреп, еңеүгә дәрт уятайыҡ!” – ти улар.
Фото: район гәзитенең "Бәйләнештә"ге төркөмө.
Автор:Рәмилә Мусина
