Үгеҙҙе бәрҙергән һәм 538 мең һум компенсация талап иткән

Билдәле булыуынса, Өфөлә йәшәүсе водитель Бөрө янындағы трассала үгеҙ малын бәрҙерә һәм автомобиленә зыян килгән өсөн компенсация талап итә. Был хаҡта Бөрө район-ара судының матбуғат хеҙмәте хәбәр итә.

Авария булған көндө ир «Тойота РАВ 4» автомобиле менән идара иткән, көтмәгәндә юлға үгеҙ малы йүгереп килеп сыҡҡан. Һөҙөмтәлә автомобилгә үрҙә әйтелгән хаҡҡа зыян килә. Шулай уҡ автомобиль хужаһы экспертиза өсөн 10 мең һум түләгән.
Суд эште ҡарағандан һуң, водителде оптималь тиҙлек менән хәрәкәт итмәүҙә, ә үгеҙҙең хужаһы малды ҡарап еткермәүҙә ғәйепле, тип таный.
Һөҙөмтәлә фермер автомобиль хужаһына 242 мең һум, дәүләт пошлинаһы өсөн - 3,5 мең һум, экспертҡа - 4,5 мең һум, нотариусҡа 900 һум аҡса түләргә тейеш тигән ҡарар сығара.

Фото: Т. Аманов

Автор:Гөлнара Солтанова

https://ye102.ru/articles/ya-yly-tar-ta-ma-y-netu/2022-09-17/ge-e-b-r-erg-n-m-538-me-um-kompensatsiya-talap-itk-n-2953958

Автор:Фируза Рахматуллина

Читайте нас

Партнеры