Башҡортостан Луганскиға янғын һүндереү машинаһы ебәрҙе

Бөгөн республика етәксеһе Радий Хәбировтың ҡушыуы буйынса Донбассҡа 29-сы гуманитар ылау ебәрелде. Ылау 8 фуранан, 82 мең тонна төҙөлөш материалынан тора. Ярҙамдың күп өлөшө М. Шайморатов исемендәге 22-се Петровск мәктәбенә тәғәйенләнгән. Тағы ла 30 мең тонна ярҙам Мариуполгә йорттарҙы тергеҙеү өсөн ебәреләсәк.

Гуманитар ылау менән бергә «Урал-5557» янғын һүндереү машинаһы ла барасаҡ. Ул Красный Луч ҡалаһын хеҙмәтләндерәсәк.

Барлыҡ гуманитар ярҙам ЛХР һәм ДХР халҡының ихтыяжы буйынса төҙөлгән.